JEREMIA 49:31 - BIBEL JAMITA NA DENGGAN

³¹ ‘Beta ma maju! Tole ma taroro angka jolma na mandok aman dirina jana sonang. Nada adong ambat-ambat ni kota ni halahi, angke nada adong horbanganna jana goruk-gorukna pe nada adong.’ ”

JEREMIA 49:31 ပူးပေါင်းရင်းမြစ်များ

MASMUR 123:4

Tuk ma bahatna incak ni halak na kayo tu hami dohot incak-incak sian halak na jungkat roha i.

MASMUR 73:12

Songon i ma pangalaho ni parjahat, marjop ni roha di ngoluna, jana sinadonganna mur mabahat.

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

JESAYA 32:9

Ale angka dadaboru na sonang ngot ma hamu bege ma sorangku, ale angka bujing-bujing na dame tangihon ma hatangku.

JESAYA 42:11

Puji ma Debata, ale parhorsihan dohot angka kota, pujion ni halak Kedar ma nian goarNia. Sian puncut ni dolok, na mangingani kota Sela marsurak marolop-olop marjop ni roha.

JESAYA 47:8

Hara ni i tangihon ma ale na manghaholongi hasonangan, didok rohamu malua ma ho jana sonang. Diambang ho ma ho na sun markuaso, jana na so adong be mangimbangi ho. Diambang ho na so mabalu be ho jana pomparanmu nada mago.

JEREMIA 48:11

Pandok ni Tuhan, “Sian najolo aman do Moab. Na so unjung dope i dioban tu habuangan. Songon aek ni anggur do ia na dipadiar mindo, jana na so jungada diusehon tu inganan na asing. Laing matua huskus anggurna i jana tabo.

JEHESKIEL 30:9

“Muda dung dapot ari i, jana madung maronco Mesir, tongosonku ma angka utusan marhite angka kapal laho manyonggot halak Etiopia na topet lalap i, jadi gabe bajoaraon ma halahi. Ligi da, tutu do angkon ro ari i!”

JEHESKIEL 38:11

Putuskononmu ma laho mamorangi luat na so marbenteng i, disi halakna mangolu di bagasan sonang so haribo-riboan di angka kota na so martembok jana na so adong parkokas ni partahananna.

JEHESKIEL 39:6

PamasaonKu ma api di tano Magog dohot di angka topi ni laut, na niinganan ni halak di bagasan sonang. Jadi botoon ni halahi sude ma Au do Tuhan.

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

NAHUM 1:12

Jadi didok Tuhan ma tu Israel, bangsoNia i, “Haru pe gogo halak Asur i jana bahat bilanganna, tapi pangabisonKu do halahi sudena. Ale bangsongKu, Au do mambaen hamu marhancit, tapi nada ulahanKu be mambaen songon i.

ZEPANYA 2:15

Songon i ma na masa i di kota na mangasahon hagogoonna i, jana na mangetong dirina sonang so haribo-riboan. Diambang halak kota i do kota ni halahi i ma na gumodang di sandok tano on. Santak lungun ni luat i, nada adong halak maringanan disi asing sian angka binatang harangan na marasari disi! Tarsonggot ma sanga ise na mamolus di kota i jana mabiar pangkilalaanna.

BILANGAN 23:9

Sian angka dolok na gincat, tarida ma bangso i. Sian puncut ni angka tor, huida halahi. Diboto halahi do na nipasupasu halahi so adong bangso na asing mangalobi i.

PANGARATAION 33:28

Mardame ma ngolu ni pomparan ni si Jakob i, sonang di tano na jogi gandum dohot aek ni anggur marlobi-lobian mangaehi tanona pe ombun na sian langit an.