JEREMIA 49:29 - BIBEL JAMITA NA DENGGAN

²⁹ Rampas ma angka pahan-pahanan, biri-biri, unto maradu angka undung-undung ni halahi dohot isina sudena, jana marsurak ma hamu tu halahi, ‘Ogor-ogor noma na mangarajai hamu!’

JEREMIA 49:29 ပူးပေါင်းရင်းမြစ်များ

PAMUNGKAAN 37:25

Jadi hatiha mangan halahi, ompot ma diida halahi sarombongan halak Ismael na di pardalanan sian Gilead laho tu Mesir. Maroban angka parmasak dohot hamonyan.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

MASMUR 120:5

Marjaya ma au on hara ni na rap au dohot hamu; nada imbarna songon na maringanan di Mesek, sanga di tonga-tonga ni halak Kedar.

MASMUR 31:13

Pangalaho na jorbut sai paayak-ayak au; hubege do hata husip ni musu martahi saroha halahi mangalo au; jana martuptup laho mambuat hosangku.

JESAYA 13:20

Nada adong umpe sahalak be na tading disi. Nada adong halak Arab parbungkas-bungkas i na giot pajongjong undung-undungna di inganan i, jana nada adong parmahan na giot maroban hambeng biri-biri na niparmahanna manjampal tusi.

JESAYA 60:7

Hambeng biri-biri ni Nebayot dohot Kedar dioban tu ho baen tutungon di langgatan gabe ibadatMu. Jadi gabe jop ma roha ni Tuhan. BagasNia mur tu jagarna.

JEREMIA 10:20

Madung masego bandarnami jana mangkagotap angka talina i. Nada adong be tarbaen pajongjong bandar dohot mamasang angka tenda-tendana, harana madung kehe sude angka dakdanak.”

JEREMIA 4:20

Mardapot-dapot parmaraan i marroan mangaroncohon sude luat. Ompot ma bandarniba dirumpakkon, abitna i diparsibakkon.

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEREMIA 49:24

Gabe gale halak na maringanan di Damaskus jana marlojongi hara ni biarna. Hancitan halahi jana mardangol songon dadaboru na giot hipas.

JEREMIA 49:5

Tondongon ni hakejamon ma hamu na Huparo sian sude pihak. Marlojong ma hamu, marsipalua dirina be, jana nada adong be na palagutkon hamu mangulahi.

JEREMIA 6:25

Nada puluk hami ruar tu dalan sanga kehe tu balian, angke di sude inganan sai mambaen gogo do angka musu na marsinjata.

HABAKUK 3:7

Huida ma mabiar rayat ni Kusan, jana humitir halak Midian.

2 KORINTUS 4:8

Sian sasudena do marrongoman angka na pasusahon i, hape laing inda tarhapit hami. Sompit do hami hilala, hape inda jabat mandele hami.

2 KORINTUS 7:5

Di na lalu pe hami tu Makedonia, laing so marnamantak do hasusaan sian hami. Dihaliangi hasusaan do hami; parsalisian sian pihak na asing dohot biar ni roha sian hami sandiri.

HAKIM-HAKIM 6:5

Marudut-udut marroan angka jolma i dohot unto bope kemah ni halahi sun bahatna – nada taretong hara ni bahatna. Marroan halahi manyegohon luat i,

HAKIM-HAKIM 7:12

Marserak do sap di rura i halak Midian, Amalek dohot angka halak na sian parhorsihan i, songon dia ma siapor na marrongom idaon. Unto ni halahi pe santak bahatna, songon horsik na di topi ni laut idaon.

HAKIM-HAKIM 8:21

Didok si Zebah dohot si Salmuna ma tu si Gideon, “Tole ma da, ho pe mambunu hami. Patuduhon ma paboa na jantan do ho!” Jadi dibunu si Gideon ma halahi lalu dibuat ia ma sude parhiasan na adong di rungkung ni unto ni halahi.

HAKIM-HAKIM 8:26

Mardonok do tu dua pulu kilogram sude anting-anting sere na dipasahat i tu si Gideon di hatiha i, nada dohot dope disi angka parhiasan, borgok, abit na ungu na nipake ni raja-raja ni Midian, dohot borgok angka na dapot di rungkung ni unto ni halahi i.