JEREMIA 49:24 - BIBEL JAMITA NA DENGGAN

²⁴ Gabe gale halak na maringanan di Damaskus jana marlojongi hara ni biarna. Hancitan halahi jana mardangol songon dadaboru na giot hipas.

JEREMIA 49:24 ပူးပေါင်းရင်းမြစ်များ

PAMUNGKAAN 3:16

Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

JESAYA 13:8

Didondoni biar ma halahi sudena jana marngeati hancitan, songon ina na manubuhon dakdanak. Marsiligi-ligian ma halahi sak be rohana, marrarai bohina i hara ni ilana.

JEREMIA 30:6

Uji hamu ma jolo mamikiri dohot pamanatkon! Tarbaen ma he halaklahi manubuhon dakdanak? Antong anggo songon i, biasi Huida ganop halaklahi marbohi na langan boti jana maniop butuhana dohot tanganna songon dadaboru na giot manubuhon anakna?

JEREMIA 4:31

Tarbege do tu au sora ni angguk-angguk songon sora ni ina na giot tubu-tubuan; songon dadaboru parsaurangan na manubuhon dakdanakna, songon i ma sora ni boru Sion mongkik-ongkik. Gapa-gapa tanganna i jana sai humolos-holos ia, “Marjaya ma au on – hona bunu au dibaen musu!”

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEREMIA 49:22

Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”

JEREMIA 49:29

Rampas ma angka pahan-pahanan, biri-biri, unto maradu angka undung-undung ni halahi dohot isina sudena, jana marsurak ma hamu tu halahi, ‘Ogor-ogor noma na mangarajai hamu!’

JEREMIA 49:37

BaenonKu halak Elam i gabe mabiar mida musuna na giot mamatehon halahi. Gilap Huhilala tu halahi jana giot ropuhonKu halahi. Na giot tongosonKu ma tentara na mamorangi halahi lopus abis sudena.

JEREMIA 50:43

Umbege barita i raja Babel gabe manggalei. Didondoni biar ma ia, jana markancit, songon dadaboru na giot di api.

JEREMIA 6:24

Umbege barita i, gabe gale ma halak Jerusalem. Didondoni biar ma halahi jana mangae songon ina na giot tubu-tubuan.

HOSEA 13:13

Adong dope hatiha na denggan di Israel laho mangolu nian, tapi songon i ma antong otona gabe nada diparhasaya ari-ari i. Songon dakdanak na giot sorang do ia, tapi nada ra ia haruar sian bortian ni inangna.

MATEUS 24:8

Pamungkaan dope sudena i, songon pangkilalaan na hancit na nihilala ni ina na giot manubuhon anakna.

MARKUS 13:8

Marporang ma bangso na sada mangalo bangso na asing, bope sada harajaan dohot harajaan na asing. Masa ma lalo sanga na di dia dohot haleon potir. Tapi sasudena i parmulaan ni parhancitan marayak jaman na imbaru do.