JEREMIA 49:22 - BIBEL JAMITA NA DENGGAN

²² Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”

JEREMIA 49:22 ပူးပေါင်းရင်းမြစ်များ

MASMUR 18:5

Manaon jorgong hamatean tu au, ngangang kuburan i di jolongku.

PODA 30:19

Unggas rajawali na habang di ginjang, ulok na manjirir di ginjang ni batu korang, kapal na marlayar di tonga ni lautan, dohot sarongkap na poso bulung na marsisoloman mata.

JESAYA 11:14

Rap mamorangi noma halahi tu halak Pilistin na di Hasundutan jana mangarampasi angka bangso na di Habincaran. Taluhonon ni halahi ma bangso Edom dohot Moab, dohot bangso Amon pe tunduk ma tu halahi.

JESAYA 13:8

Didondoni biar ma halahi sudena jana marngeati hancitan, songon ina na manubuhon dakdanak. Marsiligi-ligian ma halahi sak be rohana, marrarai bohina i hara ni ilana.

JESAYA 21:3

Patunda ni parnidaan i gabe mabiar jana hancitan ma au songon dadaboru na topet manubuhon dakdanak.

JESAYA 26:17

Songon dadaboru na giot tubu-tubuan marngeati jana marsurak dibaen hancitan, songon i hian ma hami di adopanMu, ale Tuhan.

JEREMIA 13:21

Giot aha ma he dokkononmu anggo angka jolma na nietong ni rohamunu angka donganmunu, hape manaluhon dohot mangarajai hamu? Musti hancitan hamu songon dadaboru na giot manubuhon dakdanak.

JEREMIA 22:23

Sonang hamu tinggal dihaliangi angka tiang sampinur Libanon, tapi sanoli on muda ro na hancit tu hamu, mangae ma hamu songon ina na manubuhon dakdanak.”

JEREMIA 30:6

Uji hamu ma jolo mamikiri dohot pamanatkon! Tarbaen ma he halaklahi manubuhon dakdanak? Antong anggo songon i, biasi Huida ganop halaklahi marbohi na langan boti jana maniop butuhana dohot tanganna songon dadaboru na giot manubuhon anakna?

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

JEREMIA 4:31

Tarbege do tu au sora ni angguk-angguk songon sora ni ina na giot tubu-tubuan; songon dadaboru parsaurangan na manubuhon dakdanakna, songon i ma sora ni boru Sion mongkik-ongkik. Gapa-gapa tanganna i jana sai humolos-holos ia, “Marjaya ma au on – hona bunu au dibaen musu!”

JEREMIA 49:24

Gabe gale halak na maringanan di Damaskus jana marlojongi hara ni biarna. Hancitan halahi jana mardangol songon dadaboru na giot hipas.

JEREMIA 50:36

Angkon bunuon sude angka panurirang ni Babel, angke pargabus do halahi jana na oto. Tentara ni Babel pe angkon laing bunuon do; mabiar do halahi sudena.

JEREMIA 50:43

Umbege barita i raja Babel gabe manggalei. Didondoni biar ma ia, jana markancit, songon dadaboru na giot di api.

JEREMIA 6:24

Umbege barita i, gabe gale ma halak Jerusalem. Didondoni biar ma halahi jana mangae songon ina na giot tubu-tubuan.

DANIEL 7:4

Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

OBAJA 1:9

Mabiar be ma angka parporang na sian Teman, jana marmatean sude parangan ni Edom.”

PANGARATAION 28:49

Paroon ni Tuhan ma sada bangso na so mangarti ho hatana, sian ujung ni tano on laho mangalo ho. Songon rajawali do halahi manyoro ho.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.