JEREMIA 49:13 - BIBEL JAMITA NA DENGGAN

¹³ Husumpahon mangasahon goarKu sandiri, anggo kota Bosra gabe inganan na jorbut noma i na nitadingkon ni halak. Partataan ni halak ma i jana baenonna goarna i gabe bura. Sude angka huta na menek na humaliang i gabe tinggal sego-segona noma i sapanjangna. Au Tuhan, madung mandok songon i.”

JEREMIA 49:13 ပူးပေါင်းရင်းမြစ်များ

PAMUNGKAAN 22:16

“Husumpahon mangasahon goarKu sandiri – paboa na angkon pasupasuonKu ma ho marlompit ganda. Dibaen madung dipatulus ho pangalaho on jana nada dijua ho laho pasahatkon anakmu na sasada i tu Au.

JESAYA 34:6

Marlapu-lapu mudar dohot tabo-tabo do podang ni Tuhan, i ma mudar dohot tabo-tabo ni pahan-pahanan na nihaulkon. Pasingkopon ni Tuhan ma haul di Bosra, jana pamasaonNia ma pambantean marabis-abis di tano Edom.

JESAYA 45:23

Hara ni Au sandiri madung marsumpa Au, sian pamanganKu madung ruar hatigoran, i ma hata no so mose. Sude jolma marsinggang ma di jolongKu, jana marjanji burju mangoloi Au.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

JEREMIA 18:16

Madung dibaen halahi luat on gabe inganan na jorbut jana gabe sihata-hataan sapanjangna. Sandok halak na mamolus marsiupirkon uluna be hara ni jorbut ni pangkilalaanna.

JEREMIA 19:8

BaenonKu hamamago na mansai jorbut tu kota on, anso sude halak na mamolus sian i tarsonggot jana mangupir.

JEREMIA 44:26

Tapi saonnari tangihon hamu ma sanga aha na Hudok tu hamu, ale halak Israel na di Mesir: Au Tuhan, Husumpahon mangasahon goarKu na godang i bahaso na so loasonKu hamu be mamake goarKu laho mambaen janji bagi aha. Nada tola dokkononmunu, ‘Marsumpa Au mangasahon Debata na mangolu i!’

JEREMIA 48:24

Keriot dohot Bosra. Sude angka kota ni Moab na donok dohot na dao madung hona uhum.

JEREMIA 49:22

Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”

JEREMIA 51:14

Marsumpa do Tuhan Na Markuaso i mangasahon goarNa sandiri bahaso na giot tongosonNia jolma sabahat ni siapor laho manyerang Babel jana marsurak ma halahi manyurakkon hamonangan.

JOEL 3:19

Anggo Mesir gabe halongonan na harsang, jana Edom gabe tano na harsang na so hainganan jolma. Angke diporangi halahi do tano Juda, jana dibunu halak na disi do na so marsala.

AMOS 1:12

Hara ni i tongosonKu ma api tu kota Teman jana surbuonKu lopus abis angka benteng ni Bosra.”

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

OBAJA 1:18

Pomparan ni si Jakob ma songon api jana pomparan ni si Josep ma songon jilam ni api. Tapi pomparan ni si Esau i ma na gabe songon gandum tutungon, jana panganon ni halahi ma i sude lopus abis, jana umpe sahalak na malua sian pomparan ni si Esau, angke Tuhan do na mandok songon i!