JEREMIA 49:11 - BIBEL JAMITA NA DENGGAN

¹¹ O hamu Edom! Tadingkon hamu ma di Au angka dakdanakmunu na so marama so marina. Au ma na pature-ture halahi. Tarbaen angka na mabalumunu do marsigantung tu Au.

JEREMIA 49:11 ပူးပေါင်းရင်းမြစ်များ

MASMUR 146:9

Dijagohon Ia do angka halak dagang, angka na mabalu dohot na tinggal menek diurupi Ia, tapi anggo sangkap ni halak na jahat disundati Ia.

MASMUR 68:5

Debata na maringanan di ingananNia na badia, i ma da Ama ni na so marama jana Pangondian ni angka na mabalu.

MASMUR 82:3

Ondihon hamu ma na so marama dohot halak na gale, lehen ma hatigoran tu na pogos dohot na malarat.

HOSEA 14:3

Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i.

JUNUS 4:11

Patut ma da marsak Au pasari-sari Ninive, kota na godang i. Angke asing sian angka pahan-pahananna na so taretong i, adong do disi lobi 120.000 dakdanak na so marsala.”

ZAKARIA 7:10

Ulang pisat hamu angka na mabalu, angka dakdanak na so marama so marina, angka halak na asing na maringanan di tonga-tongamunu, sanga na tu ise pe tehe na di bagasan hasusaan. Jana ulang baen hamu muse sangkap na jahat tu hamu sama hamu.’

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

PANGARATAION 10:18

Dibela Ia do hak ni na tinggal menek dohot na mabalu, anso dibaen tu halahi uhum na tigor; dihaholongi Ia do halak na asing na tinggal rap dohot hita jana dilehen Ia pakean dohot sipanganon di halahi.

1 TIMOTEUS 5:5

Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.