JEREMIA 49:1 - BIBEL JAMITA NA DENGGAN

¹ On ma na nidok ni Tuhan taringot tu Amon, “Biasi tano ni Marga Gad dirampas jana diingani angka jolma na mamele Debata Milkom? Adong he ulaning na soada be halak Israel na margogo laho mangondihon luat i?

JEREMIA 49:1 ပူးပေါင်းရင်းမြစ်များ

PAMUNGKAAN 19:38

Boruna paduahon i pe sorang ma anakna laing halaklahi muse dibaen ma goarna si Ben Ami. I ma na gabe ompu ni halak Amon na saonnari.

2 RAJA-RAJA 10:33

na di Habincaran ni Batang aek Jordan lalu tu Selatan lopus tu Aroer na di lambung ni Batang aek Arnon, dohot ma disi Luat Gilead dohot Basan luat na niinganan ni Marga Gad, Ruben dohot Manase Parhabincaran.

2 RAJA-RAJA 24:2

Jana laing songon na nidok ni Tuhan marhite angka panurirang naposoNia i, ditongos Tuhan ma angka garombolan na marsinjata sian halak Babel, Siria, Moab dohot Amon laho mangalo si Joyakim jana dipasude ma Juda.

2 JUJUR TAON 20:1

Dung adong sadia honok ro ma tentara ni Moab dohot Amon rap dohot angka dongan ni halahi tentara ni Meunim mamorangi Juda.

2 JUJUR TAON 20:23

Dialo tentara ni Amon dohot Moab ma tentara ni Edom jana abis sude mate disaroso halahi. Dung i marbalik muse ma halahi marsihantaman jebu songon i na sada tu na asing.

NEHEMIA 2:19

Di na tarboto sangkapnami i tu si Sanbalat, si Tobia dohot si Gesem halak Arab i, dipartatai halahi ma hami mangincahi hami. Didok halahi ma, “Aha dehe na giot baenonmunu? Na giot mangalo dehe hamu tu raja?”

NEHEMIA 4:7

Di na tarbege tu si Sanbalat, si Tobia dohot angka halak na sian Amon dohot Asdod maradu angka halak Arab bahaso na dung mur maju na padenggankon tembok ni Jerusalem i jana na dung mamungka ditutup angka lubang-lubang na di tembok i, gabe sun ma muruk ni halahi.

MASMUR 83:7

Bangso Gebal, Amon dohot Amalek, bangso Pilistea maradu halak Tirus bage.

MASMUR 9:6

Dironcohon Ho musu dohot angka kota ni halahi, nada adong be na marningot i.

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 27:3

Dung i disuru Tuhan Na Markuaso i, Debata ni Israel ma au palaluhon tonaNia tu angka raja ni Edom, Moab, Amon, Tirus dohot Sidon, marhite angka suruan ni halahi na ro tu Jerusalem manopot Raja Zedekia. On ma tona ni Tuhan i,

JEREMIA 48:1

On ma na nidok ni Tuhan Na Markuaso i, Debata ni Israel taringot tu Moab, “Marjaya ma halak Nebo, madung marumpak kotana i. Dirampas do Kiryataim jana dironcohon bentengna i, gabe maila ma antong halak na maringanan disi,

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

JEREMIA 49:28

On ma na nidok ni Tuhan taringot tu Marga Kedar dohot angka luat na nirajaan ni Hasor, na dung nirampas ni si Nebukadnesar raja ni Babel, “O ale Nebukadnesar, porangi ma Marga Kedar, jana abiskon angka jolma na di Habincaran!

JEREMIA 49:7

On ma na nidok ni Tuhan Na Markuaso salaho tu Amon, “Adong he na so tarbaen halak Edom be marpikir torang? Adong he na so dilehen angka panuturi ni halahi be sipaingot tu halahi?

JEHESKIEL 21:25

Jana tu raja ni Israel hudok do, “Ale raja na jahat jana na hodar! Madung donok hatihana di ho manjagit uhuman na parpudi.

JEHESKIEL 25:1

Didok Tuhan ma tu au,

ZEPANYA 1:5

Ias haisonKu sude sanga ise na manaek tu tarup laho manyomba mataniari, bulan dohot angka bintang. AbiskononKu muse dope halahi na manyomba Au jana na marsumpa mandok setia tu Au, hape marsumpa muse halahi mangasahon goar ni Debata Milkom.

PANGARATAION 2:19

Jadi madung donok hamu tu tano ni halak Amon, pomparan ni si Lot. Ulang hahua hamu sanga porangi hamu halahi, harana sian tano na dung Hulehen di halak i, saotik pe nada adong na giot lehenonKu di hamu.’ ” (

PANGARATAION 23:3

Angka halak Amon dohot Moab maradu pomparan ni halahi lopus tu sundut pasampuluhon nada tola gabe anggota ni bangso ni Tuhan.

PANGARATAION 23:4

Dalanna, i ma hara ni na so ra halahi mangalehen sipanganon dohot siinumon di hamu dompak na mardalan hamu haruar sian Mesir. Diongkosi halahi dope gari ada si Bileam, anak ni si Beor na sian kota Petor na di Mesopotamia laho mamurai hamu.