JEREMIA 48:9 - BIBEL JAMITA NA DENGGAN

⁹ Lehen ma habong tu Moab anso kehe ia habang; angka kotana angkon gabe lobu, nada adong na manginganisa.”

JEREMIA 48:9 ပူးပေါင်းရင်းမြစ်များ

MASMUR 11:1

Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

MASMUR 55:6

Iale, sugari adong ma nian habongku songon darapati, habang noma au manjalahi inganan na sonang.

JESAYA 16:2

Songon unggas na diayak sian asarna, songon i ma bujing-bujing ni Moab pahae-pahulu di topi ni Batang aek Arnon.

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 46:19

Marhobas be ma hamu angka halak Mesir anso ditaban jana dioban! Gabe lobu ma kota Memphis, inganan na lungun na so diingani.

JEREMIA 48:28

Hamu halak Moab, tadingkon hamu ma angka kotamunu jana maringanan di angka dolok batu ma hamu songon unggas darapati na mambaen asarna di sapsap bire.

ZEPANYA 2:9

Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

HALUMBAAN 12:14

Hape madung dilehen di dadaboru i dua habong ni rajawali na godang situtu anso tarbaen ia habang tu inganannia di parhorsihan jana anso malua ia sian serangan ni naga i. Di parhorsihan i ma ia dipauli-uli sada hatiha, dua hatiha, dohot satonga hatiha.