JEREMIA 48:7 - BIBEL JAMITA NA DENGGAN

⁷ Moab! Dipangasahon ho ma hagogoan dohot sinadonganmu. Hape anggo saonnari taluhonon noma ho. Obanon ma tu habuangan i ma Kamos debatami rap dohot angka malimna maradu angka na mora-mora.

JEREMIA 48:7 ပူးပေါင်းရင်းမြစ်များ

2 SAMUEL 5:21

Marlojongi ma tentara ni Pilistin i nada sanga be taroban halahi angka patung si sombaon ni halahi. Dipamuai si Daud dohot parangannia i ma patung i.

1 RAJA-RAJA 11:33

Giot songon i ma baenonKu hara ni na nitadingkon ni si Salomo Au jana marsomba ia tu angka debata: I ma Astoret, debata boru-boru na sian Sidon; Kamos, debata ni Moab, dohot Milkom, debata ni Amon. Madung mardosa si Salomo jana dilaosi ia angka na Huparentahon. Anggo amangnia si Daud diihutkon do angka tona dohot parentangKu, hape anggo si Salomo, nada.

1 RAJA-RAJA 11:7

Di ginjang ni dolok na di Habincaran ni Jerusalem i, dipajongjong ia do inganan parsombaan tu Kamos, debata ni Moab dohot tu Molok debata ni bangso Amon – na nihagigihon do debata na dua i.

MASMUR 40:4

Martua ma sanga ise na porsaya tu Tuhan; na so dohot-dohotan marsomba tu angka debata, na so mangido tolong tu halahi.

MASMUR 52:7

“Indi ma da halakna na so marpangondian tu Debata, tapi na sai mangasahon sinadonganna dohot hajahatanna.”

JEREMIA 13:25

I ma bagianmu na dung Hutontuhon hara ni na nihalupahonmu Au jana porsaya ho tu angka gabus.

JEREMIA 43:12

Pagaraonnia ma api di angka inganan pamelean ni debata ni Mesir, jana tutungan ni raja ni Babel ma angka patung na di inganan pamelean i sanga obanonna tu kotana. Songon parmahan na paiaskon pakeanna sian tusa, songon i muse ma ias ni Mesir sapuon ni raja ni Babel, lalu kehe ma ia mulak maroban hamonangan.

JEREMIA 48:13

Tarhirim ma Moab maradopkon Kamos debata ni halahi i, tudos songon Israel na tarhirim i maradopkon Betel na nipangasahon ni halahi i.

JEREMIA 48:46

Marjaya ma Moab! Halak na manginganisa na marsomba tu Debata Kamos ditimpaskon, jana angka dakdanak ni halahi madung ditaban jana dioban.

JEREMIA 49:3

Hamu ale halak Hesbon, tangis ma hamu dibaen madung maronco kota Ai! Hamu angka dadaboru na sian kota Raba, mangandungi ma hamu! Marabit goni ma hamu tanda ni siluluton. Marlojongi ma hamu pahae-pahulu gok ponjot ni roha. Obanon noma Milkom debatamunu i tu habuangan rap dohot angka malim dohot angka pamimpinna.

JEREMIA 49:4

Biasi manggodang diri hamu ale angka na so bonar? Bia ma he dalanna pangasahononmunu gogomunu na dung murak i? Bia ma he umbaen na puluk hamu mandok, sahalak pe nada adong na barani mangaroro hamu?

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

HOSEA 10:13

Hape suhar-suhar ni i do dipambaeni ho; same hajahatan do disabur ho, jana sabionmu ma hageduhan. Madung dipapangani ho angka parbatu ni gabusmu.” Didok Tuhan muse dope, “Ale bangso Israel, dibaen dipangasahon ho do angka kareta porangmi dohot bahat ni angka tentarami,

BILANGAN 21:29

Iale halak Moab na marjaya! Marmara ma ho bangso na mardebatahon Kamos! Dipadiar debatamu ho gabe mangungsi. Dadaborumunu ditaban raja Amori.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

HALUMBAAN 18:7

Lehen hamu ma tusia parkancitan dohot pardangolan sabahat ni hasangapan dohot sinadongan na dung dirasoinia. Harana didok ia do di bagasan rohania, ‘Au do ratu na mamarenta! Nada na mabalu au, nada daionku hamarsahan!’

HAKIM-HAKIM 11:24

Jana saonnari na giot buatonmu ma he i mangulahi? Anggo tano na nilehen ni Kamos debatamunu i, tola ma i hot hamu nampunasa. Tapi anggo na nilehen ni Tuhan Debatanami di hami, partahankononnami do i.