JEREMIA 48:44 - BIBEL JAMITA NA DENGGAN

⁴⁴ Halak na malua sian ogor-ogor madabu ma i tu bagasan lubang, jana halak na haruar sian lubang i, alit muse ma i baenon ni jorat. Tarjadi do sudena i hara ni na dung Hutontuhon hatihana laho mangaroncohon Moab.

JEREMIA 48:44 ပူးပေါင်းရင်းမြစ်များ

1 RAJA-RAJA 19:17

Sanga ise na so hona bunu dibaen si Hasael, bunuon ni si Jehu ma, jana angka na malua sian si Jehu bunuon ni si Elisa ma.

1 RAJA-RAJA 20:30

Sanga ise na malua, kehe ma lari tu kota Afek, hape matolbak ma tembok ni kota i mandondoni dua pulu pitu ribu halak sian halahi. Si Benhadad pe masuk muse ma tu kota i jana martabuni ma ia di sada bagas di kamar parbagasan.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JESAYA 24:17

Tangihon hamu ma, sude pangisi ni tano on! Dondonan ni hagaoron ma hamu; madung inte tirangkap dohot jorgong tu hamu.

JESAYA 24:18

Sanga ise na marlojong hara ni biarna, madabu ma tu tirangkap, jana na so hona tu tirangkap hona jorat ma. Udan potir diparo sian langit jana humuntal ma ojahan ni tano on.

JEREMIA 10:15

Nada mararga angka gana-ganaan i, sipalayason jana sipabileon do i. Di hadudumpang ni hatihana mago ma halahi sudena.

JEREMIA 11:23

Madung Hubuhul ari laho parohon hamamago tu angka halak Anatot, jana muda dapot hatihana i, sahalak pe nada adong na malua.”

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEREMIA 23:12

Hara ni i, mangalandit jana manggolap noma dalan ni halahi lopus tartuktuk halahi jana tinggang. ParoonKu ma hamamago tu halahi, muda dung dapot hatihana laho manguhumi halahi. Au Tuhan, madung mandok songon i.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

JEREMIA 49:8

Hamu ale halak Dedan, marbalik ma hamu lalu maporus! Kehe ma hamu martabuni. PatimpasonKu ma pomparan ni si Esau, dibaen madung dapot hatihana giot uhumanKu halahi.

JEREMIA 50:24

Didok Tuhan, “Babel, dialo ho do Au, hara ni i gabe tarhapit ho di bagasan jorgong na Hutaon tu ho, hape nada diboto ho i.

JEREMIA 50:27

Bunu hamu sude tentarana i! Matehon sudena i! Marjaya ma Babel! Madung dapot hatihana hona tona uhum!” (

JEREMIA 51:18

Nada mararga angka gana-ganaan, patut do niincahan jana nilayasan. Muda dapot di hatihana, mago muse ma halahi sudena.

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

ANDUNG 3:47

didondoni parmaraan dohot hasegoan do hami, jana mangolu di bagasan bahaya dohot biar do hami.

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

MIKA 7:4

Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!