JEREMIA 48:36 - BIBEL JAMITA NA DENGGAN

³⁶ Ma pola mago sude hakayoan ni Kirheres dohot Moab sudena. Dangol huhilala marnida na masa i tu halahi; songon halak na mangendehon ende andung au marhite suling.

JEREMIA 48:36 ပူးပေါင်းရင်းမြစ်များ

2 RAJA-RAJA 3:25

angka kota ni halahi pe dironcohon ma. Sandok ladang na napu na nibolus ni halahi, didangguri halahi ma dohot batu. Ujungna sude ladang gok batu noma. Disumpol halak Israel muse ma sude mual ni aek jana ditabai halahi ma bona ni suan-suanan. Hum kota Kirhareset noma na tinggal, i ma kota sabungan ni Moab. Ujungna dihobuk muse ma kota i, didangguri angka pandangguri ma dohot batu.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 13:22

Halak na denggan pateankon sinadongan tu pomparanna; sinadongan ni pardosa pinda ma i tu halak na burju roha.

PODA 18:11

Hape diambang halak na kayo sinadonganna i do mangondihon ia. Songon tembok na gincat boti togu humaliang kota.

JESAYA 15:5

Ibo do rohangKu mida Moab! Mangungsi noma halak kota i tu Zoar dohot tu Eglat Selisia. Adong ma deba na manangkok di dalan na tu Luhit laing tumatangis; adong na marlojong tu Horonaim laing gogo mangangguhi.

JESAYA 15:7

Dibolusi angka halak ma Batang aek Haarabim laho paluahon dirina be dohot sinadonganna.

JESAYA 16:11

Hara ni arsakku hutangisi do Moab, jana huarsakkon do Kir-Heres.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.

JEREMIA 4:19

Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

JEREMIA 48:31

Patunda ni i tangisanku noma ganop be sian hamu, tangisanku noma angka halak na di Kirheres, kota hagodanganmunu i.