JEREMIA 48:35 - BIBEL JAMITA NA DENGGAN

³⁵ Giot antahonKu halak Moab manutung haul di angka inganan pamelean ni halahi jana antahonKu halahi mamelehon haul tu angka debata ni halahi. Au Tuhan, madung, mandok songon i.

JEREMIA 48:35 ပူးပေါင်းရင်းမြစ်များ

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JESAYA 16:12

Marloja-loja halak Moab manganangkohi tor tu inganan paribadatan ni halahi laho martangiang, hape nada adong gunana.

JEREMIA 11:13

Sun do bahatna debata ni halak Juda, sarupa dohot bahat ni kota ni halahi. Madung dipajongjong halak Jerusalem angka langgatan sabahat ni angka dalan di kota Jerusalem, i ma parhaulan ni haul tu Debata Baal sihagigian i.

JEREMIA 48:7

Moab! Dipangasahon ho ma hagogoan dohot sinadonganmu. Hape anggo saonnari taluhonon noma ho. Obanon ma tu habuangan i ma Kamos debatami rap dohot angka malimna maradu angka na mora-mora.

JEREMIA 7:9

Manangko do hamu, mambunu, marmainan, manyaksihon gabus, manghaulkon haul tu Baal, dohot marsomba angka debata na so nitandamunu.

BILANGAN 28:14

Di haul aek ni anggur angkon lehenon rap dohot haul situtungon i, na hasaya tusi: dua liter aek ni anggur ganop tu lombu jantan, sada satonga liter tu biri-biri jantan jana saliter tu ganop anak ni biri-biri. I ma aturan taringot tu haul situtungon na angkon lehenon di tanggal sada ganop bulan jana angkon baenon ganop taon.