JEREMIA 48:33 - BIBEL JAMITA NA DENGGAN

³³ Madung pola mago hamogaan dohot jop ni roha sian tano Moab na napu i. Au mambaen mantak aek ni anggur mardalan sian pangilangan ni anggur; nada adong be halak na pature anggur dohot na marsurahi marjop ni roha.

JEREMIA 48:33 ပူးပေါင်းရင်းမြစ်များ

JESAYA 5:10

Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JESAYA 7:23

Angka kobun anggur na denggan, na nisuanan dohot sasaribu be bona ni anggur na mararga saribu hoping perak, hatubuan ni ramba-ramba ma i dohot sihupi.

JESAYA 9:3

Tuhan, dilehen Ho do jop ni roha godang, padumpangkon halahi tu na torang. Hara ni denggan ni rohaMu marmoga-moga halahi, songon halak na marjop ni roha di na palagutkon suha ni karejona sanga di na marbagi taban.

JOEL 1:16

Di na abis sipanganonta, manatap sajo ma hita, gogo soada. Nada jumpang be jop ni roha di Bagas Ni Debatanta.

JOEL 1:5

Ngot ma, o angka parmabuk jana tangis ma hamu! Tangis ma hamu ale angka parminum anggur na baru, angke madung dirampas anggur i sian pamanganmunu!

AMOS 5:17

Di sude kobun anggur, mangandung ma halak, muda mardalan Au sian tonga-tongamunu,” ninna Tuhan.

HAGAI 2:16

kehe hamu mangaligi talobat ni gandum jana diambang hamu dapot hamu ma 200 kilo gandum, hapengani hum 100 do na adong. Kehe ma hamu laho manahu 100 liter anggur sian tongna, hapengani hum opat pulu liter do na adong.