JEREMIA 48:28 - BIBEL JAMITA NA DENGGAN

²⁸ Hamu halak Moab, tadingkon hamu ma angka kotamunu jana maringanan di angka dolok batu ma hamu songon unggas darapati na mambaen asarna di sapsap bire.

JEREMIA 48:28 ပူးပေါင်းရင်းမြစ်များ

PAMUNGKAAN 8:12

Dipainte ia ma pitu ari nari, dung i dipalua ia ma darapati i sanoli nari, tapi nada mulak be tusia darapati i.

ENDE NA GODANG 2:14

Biasi martabuni ho, haholongan? Patuduhon ma jogi ni rupami, patubegehon ma jeges ni sorami.

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

JEREMIA 48:9

Lehen ma habong tu Moab anso kehe ia habang; angka kotana angkon gabe lobu, nada adong na manginganisa.”

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 49:8

Hamu ale halak Dedan, marbalik ma hamu lalu maporus! Kehe ma hamu martabuni. PatimpasonKu ma pomparan ni si Esau, dibaen madung dapot hatihana giot uhumanKu halahi.

HAKIM-HAKIM 6:2

Jana hara ni gogona halak Midian i, markehean ma halak Israel martabuni tu angka liang dohot tu angka inganan na asing na aman di angka dolok.

1 SAMUEL 13:6

Dung i dipungka halahi ma mangaroro marsitutu mamorangi halak Israel, jabat do tarsosak situtu halak Israel. Deba sian halahi martabuni ma di gua dohot di liang ni dolok sanga di rigang ni batu mamak, sanga di bagasan sumur dohot di lubang ni tano,