JEREMIA 48:20 - BIBEL JAMITA NA DENGGAN

²⁰ Alusan ni halahi ma, ‘Madung madabu Moab jana gabe marlayas, hara ni i tangisi hamu ma da ia. Pabotohon ma sapanjang Batang aek Arnon paboa na dung maropuk Moab.’ ”

JEREMIA 48:20 ပူးပေါင်းရင်းမြစ်များ

JESAYA 15:8

Sanga na di dia pe parbalohan ni Moab, habegean ma sora ni na tangis. Tarbege do pangandungna i di Eglaim dohot Beer-Elim.

JESAYA 16:2

Songon unggas na diayak sian asarna, songon i ma bujing-bujing ni Moab pahae-pahulu di topi ni Batang aek Arnon.

PANGARATAION 2:36

Dipadiar Tuhan Debata do hita mangarampas kota i sudena, mamungka sian Aroer, di topi ni Batang aek Arnon, dohot kota na di tonga ni rura i, di sude dalan na tu Gilead. Nada adong kota na matogutu tembokna di hita.

JOSUA 13:9

Masuk tu luat ni halahi ma Aroer (na di topi ni Batang aek Arnon), dohot kota na di tonga-tonga ni rura i, dohot muse sude luat na hornop inganan na timbo sian Medeba tu Dibon.

HAKIM-HAKIM 11:18

Dung i ditoruskon halahi pardalananna mamolus parhorsihan, tapi nada mamolus be sian daerah ni Edom dohot Moab, tapi mangaliati ma dalan ni halahi lopus lalu tu Habincaran ni Moab, di bariba ni Batang aek Arnon. Marbandar ma halahi disi, tapi nada taripar batang aek i harana masuk tu daerah ni Moab noma i.