JEREMIA 48:11 - BIBEL JAMITA NA DENGGAN

¹¹ Pandok ni Tuhan, “Sian najolo aman do Moab. Na so unjung dope i dioban tu habuangan. Songon aek ni anggur do ia na dipadiar mindo, jana na so jungada diusehon tu inganan na asing. Laing matua huskus anggurna i jana tabo.

JEREMIA 48:11 ပူးပေါင်းရင်းမြစ်များ

MASMUR 123:4

Tuk ma bahatna incak ni halak na kayo tu hami dohot incak-incak sian halak na jungkat roha i.

MASMUR 55:19

Debata na mamarenta sian narobi, tangihononNia do au jana taluhononNa halahi. Angke nada ra halahi porsaya, jana nada mabiar tu Debata.

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

JESAYA 16:6

Didok bangso Juda ma, “Madung hami bege sanga songon dia ginjang ni roha ni Moab. Hami boto do na gakgak halahi jana na bunggal, hape hatana na teal i na so marisi bagi aha do i.”

JESAYA 24:3

Pupusan ma tano i sudena lopus gabe harsang situtu. Madung didok Tuhan, jana musti tarjadi songon i.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JEREMIA 22:21

Madung Hudok hata tu ho taran denggan dope pangalaho na masa tu hamu, hape nada ra hamu manangihon. Songon i hian do antong pangalahomu sian najolo lopus saonnari; nada jungada ra hamu mangoloi Au.

JEREMIA 48:12

Saonnari madung dapot hatihana Au marsuru anso diusehon halak Moab songon anggur, jana angka ingananna i diparumar lalu ditaporkon.

JEREMIA 48:29

Ginjang ni rohamunu antong santak! Madung hubege do sanga songon dia bulbul, ginjang ni roha, gakgak dohot tealmunu!

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

NAHUM 2:2

Satutuna do na giot pasuangon ni Tuhan hagodangan ni si Jakob songon hagodangan ni Israel, anso mulak songon najolo taran so dirampas angka musu.)

ZEPANYA 1:12

Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.

ZAKARIA 1:15

Tapi muruk situtu do Au maradopkon angka bangso na mandokkon dirina sonang. Angke taran muruk Au maradopkon bangsongKi ditambai halahi do parkancitanna.”