JEREMIA 47:5 - BIBEL JAMITA NA DENGGAN

⁵ Dondonan ni arsak na godang ma halak Gasa; Askelon manguntam. Sadia honok ulaning halak Pilistin na teba i sai manyaroso?

JEREMIA 47:5 ပူးပေါင်းရင်းမြစ်များ

1 RAJA-RAJA 18:28

Jadi mur manggogo muse ma sora ni halahi na martangiang i. Jana songon na somal dibaen halahi, dibugangi halahi ma pamatang ni halahi dohot piso songon i dohot hujur lopus marmudari.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JEREMIA 16:1

Didok Tuhan ma mangulahi tu au,

JEREMIA 16:6

Marmatean ma halak na kayo dohot halak na pogos di luat on jana nada adong halak na manguburkon halahi. Sahalak pe nada adong na mamparkanciti dirina sanga mancukur uluna songon tanda ni arsak roha ni halahi.

JEREMIA 41:5

ro ma salapan pulu halak sian Sikem, Silo dohot Samaria. Madung marcukur janggut halahi, masibak pakean ni halahi, jana digariangi pamatangna. Dioban halahi ma gandum dohot hamonyan sihaulkonon di Bagas Ni Tuhan.

JEREMIA 47:1

Taran so diporangi raja Mesir dope Gasa mangkuling ma Tuhan tu au salaho tu tano Pilistin.

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

JEREMIA 48:37

Madung dicukur halahi sudena obuk na di ulu ni halahi dohot janggutna, tanganna dihoroti, jana mamake abit goni tanda ni arsakna.

JEHESKIEL 25:16

Hara ni i pabotohononKu ma paboa na giot serangonKu noma angka halak Pilistin jana abiskononKu halahi. BunuonKu sandok jolma na maringanan di luat na di topi ni laut di tano Pilistin.

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

HAMALIMON 19:28

Ulang tulduhi huling-kulingmu sanga manggaruti pamatangmu songon tanda hamarsahan hara ni na matean. Au do Tuhan.

HAMALIMON 21:5

Sada halak malim nada tola cukuronnia sanga di dia pe di ulunia, nada tola pangkasonnia janggutnia sanga manggurati pamatangnia dohot barang na tajom laho paboahon na marsak ia.

MIKA 1:16

Hamu ale halak Juda, gusting hamu ma obukmunu tanda ni siluluton hara ni angka dakdanak haholongan ni rohami. Gusting obukmi lopus gundul songon unggas sipangan bangke, angke obanon noma angka dakdanakmu tu habuangan.

MARKUS 5:5

Arian na borngin do ia malat-alat di kuburan i dohot di dolok-dolok i jana marsurahi, dibalbali ia pamatangnia i dohot batu.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

HAKIM-HAKIM 1:18

Dung i dirampas halak Juda ma Gasa; Askelon; Ekron dohot na humaliangna.