JEREMIA 47:2 - BIBEL JAMITA NA DENGGAN

² Didok Tuhan, “Ligi da, mardalan do aek sian Utara jana mangalantap songon aek magodang na mangalingkup tano i dohot isina, angka kota dohot halak na manginganisa. Mangangguhi ma halak mangido tolong jana mangandungi ma rayat sudena.

JEREMIA 47:2 ပူးပေါင်းရင်းမြစ်များ

MASMUR 24:1

Tuhan do nampuna tano dohot pangisina, portibi dohot sude na manginganisa.

MASMUR 50:12

Muda male Au, nada pola paboaonKu i tu ho, angke Au do nampuna portibi on dohot isina.

MASMUR 96:11

Marjop ni roha ma nian langit dohot tano, jana gumadobur ma laut dohot sude isina.

MASMUR 98:7

Gumadobur ma ale laut dohot sude isina, portibi dohot sandok na manginganisa.

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

JESAYA 15:8

Sanga na di dia pe parbalohan ni Moab, habegean ma sora ni na tangis. Tarbege do pangandungna i di Eglaim dohot Beer-Elim.

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

JEREMIA 1:14

Didok Tuhan ma, “Ro ma durus parmaraan sian Utara jana songgop ma i tu halak na di luat on sude.

JEREMIA 46:12

Na dung tarboto do tu sandok bangso hahaila na tarjadi di hamu. Tarbege do sora ni pangararmunu tu sude portibi on. Martondong do tentara na sada tu donganna jana gabe rap tungkap halahi tu tano.

JEREMIA 46:13

Di na ro si Nebukadnesar raja ni Babel mamorangi Mesir, mangkuling ma Tuhan tu au, didok Ia,

JEREMIA 46:20

Songon anak ni lombu na mokmok do Mesir, tapi diganggu lanok na godang sian Utara.

JEREMIA 46:24

Pailaon noma halak Mesir hara ni na talu baenon ni halak na sian Utara.”

JEREMIA 48:39

Masarsar Moab, jana tangis hara ni ila ni rohana. Mabiar do Moab, jana nada margeldok lopus gabe sipartataan ni angka bangso. Au Tuhan, madung mandok songon i.”

JEREMIA 6:22

Songon on ma didok Tuhan, “Satutuna, giot ro ma sada bangso sian Utara, sada bangso na godang hobas sian suhi ni tano on.

JEREMIA 8:16

Madung di kota Dan musu; madung habegean parngiho-ngiho ni kudo ni halahi, jana gabe mabiar sude na saluat. Madung ro musu laho manyegohon sude tanonta, songon i dohot hutanta maradu sude halak na manginganisa.”

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.

NAHUM 1:8

jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

1 KORINTUS 10:26

Angke tarsurat do di Buku Na Badia i, “Tuhan do nampuna tano on dohot sude isina.”

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!

HALUMBAAN 17:1

Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.