JEREMIA 47:1 - BIBEL JAMITA NA DENGGAN

¹ Taran so diporangi raja Mesir dope Gasa mangkuling ma Tuhan tu au salaho tu tano Pilistin.

JEREMIA 47:1 ပူးပေါင်းရင်းမြစ်များ

PAMUNGKAAN 10:19

jabat do, mangararati batas ni Kanaan mamungka sian Sidon lopus tu sabola Selatan donok tu Gerar, di lambung ni Gasa, dohot tu sabola Habincaran marayak Sodom, Gomora, Admah dohot Zeboim; di lambung ni Lasa.

1 RAJA-RAJA 4:24

Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

JESAYA 14:29

O ale bangso Pilistin, madung maponggol potuk-potuk na nipake laho mamukul ho. Tapi ulang pola marjop ni roha ho, angke muda mate pe sada ulok, laing ro do ulok na jumahat manggontisa, jana manotas ma pira ni ulok jana ruar ma naga na marhabong.

JEHESKIEL 25:15

Didok Tuhan Debata i ma, “Dibaen halak Pilistin do pamaloson na jorbut tu musuna na dung marsundut-sundut jana marjop ni roha halahi marnida hamamago ni halak Israel.

JEHESKIEL 25:16

Hara ni i pabotohononKu ma paboa na giot serangonKu noma angka halak Pilistin jana abiskononKu halahi. BunuonKu sandok jolma na maringanan di luat na di topi ni laut di tano Pilistin.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.