JEREMIA 46:9 - BIBEL JAMITA NA DENGGAN

⁹ Marpacu ma da, angka kudo! Mardalan ma da angka kareta! Maju ma da angka na gogo sian Sudan. Songon i dohot sitiop parince na sian Libia dohot panyior na malo na sian Lidia.’ ”

JEREMIA 46:9 ပူးပေါင်းရင်းမြစ်များ

PAMUNGKAAN 10:13

Pomparan ni si Mesir ma bangso Lidia, Anamim, Lehabim, Naftuhim,

PAMUNGKAAN 10:6

Angka anak ni si Ham i, i ma si Kus, Mesir, Libia dohot Kanaan i ma na gabe ompu ni angka bangso na nigoar mangihutkon goar ni halahi.

1 JUJUR TAON 1:11

Pomparan ni si Mesir i ma halak Lidia, Anamim, Lehabim, Naftuhim,

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JEREMIA 30:5

“Madung Hubege parngair ni halak na humitir, angka sora ni halak na mabiar jana nada adong dame taringot tu hadamean.

JEREMIA 47:3

Tarbege ma di halahi sora ni parlojong ni kudo, sora ni pargaruntang ni kareta, dohot pargarutuk ni angka rodana. Gabe manggalei ma pangkilalaan ni angka na matobang, jana nada be dipikirkonsa dakdanakna angke madung gale sanga nada margogo be.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEHESKIEL 27:10

Angka tentara sian Persia, Lidia dohot Libia masuk tu tentaramu. Dipargantungkon halahi parince dohot kupia baja ni halahi di angka tembok ni hutamu. Madung diurupi halahi pataluhon angka musu lalu manamba habonggalanmu.

JEHESKIEL 30:4

Ro ma arsak godang mandondoni Etiopia. Di Mesir giot masa ma parporangan. Maragean ma angka haul; sude luat i dirampas jana dibaen marsegoan.

JEHESKIEL 30:5

Hona bunu muse ma di parporangan i angka tentara na niongkosan sian Etiopia, Lidia, Libia, Arab, Kub dohot angka jolma sian luat na gabe dongan ni halahi.”

NAHUM 3:9

Etiopia ma hagogoanna, dohot Mesir na so marbatas: Put dohot Libia i ma gabe panolongna.

BAENON NI ANGKA RASUL 2:10

halak Prigia dohot halak Pamfilia, halak Mesir dohot halak na sian Luat Libia na di lambung Kirene; adong muse do hita on halak Rom,

1 KORINTUS 1:8

Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.