JEREMIA 46:10 - BIBEL JAMITA NA DENGGAN

¹⁰ On ma ari ni Tuhan Debata Na Markuaso i; anggo di ari on mambaen pamaloson ma Tuhan Debata Na Markuaso i tu sude angka musuNia. Panganon ni podangNia ma halahi lopus butong, jana inumonna mudar ni halahi lopus sombu. Di ari on disambol ma angka haul di Utara di topi ni Batang aek Efrat i.

JEREMIA 46:10 ပူးပေါင်းရင်းမြစ်များ

PANGARATAION 32:42

Margulu podangKu sap mudar ni halahi hona bunu ni podangKu sude na mangalo i. Nada paluaonKu hosa ni alo-alongki mate muse do na margasa dohot na tartaban i.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JEREMIA 46:2

mamungka sian Mesir. Songon on ma pandokna taringot tu tentara ni si Nekho raja ni Mesir na talu di Karkemis donok tu Batang aek Efrat dibaen si Nebukadnesar raja ni Babel di taon paopatkon mamarenta si Joyakim anak ni si Josia gabe raja di Juda,

JEREMIA 46:6

Angka tentara na lobassa hipas marlojong, nada tolapsa maporus sian musu. Tartuktuk do halahi jana tinggang di Utara, di topi ni Batang aek Efrat i.

LUKAS 21:22

Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.

JOEL 2:1

Palu ma sarune di Sion jana marsurak ma di dolok ni Debata na badia i. Humitir ma sude pangisi ni luat angke dapot ne ma ari ni Tuhan, angke madung donok ari i.

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

JESAYA 63:4

Madung Hutontuhon ari pamaloson; on ma hatihana halahi paluaon.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 61:2

Diutus do au laho mamaritahon paboa na tibu noma Tuhan ro paluahon. PaluaonNia ma bangsoNa, jana musu ni halahi taluhononNa. Madung disuru Tuhan muse au laho mangapoi na marsak roha.

JOB 24:1

Biasi nada ditontuhon Debata ari paruhuman, anso angka halak sitandaanNia maruli hatigoran?

JESAYA 31:8

Abis di parporangan noma Asur, tapi nada marhite gogo ni jolma. Maporus ma halak Asur i sian porang, jana angka na poso bulung ni halahi baenon noma gabe hatoban.

JEREMIA 12:12

Sian ipar ni padang halongonan di dolok, marroan angka jolma laho manyamun. Huparo porang laho manyegohon sandok luat i lopus nada adong sahalak pe tarbaen mangolu di bagasan dame.

JEREMIA 46:14

“Di angka kota ni Mesir, i ma di Memphis, Migdol dohot di Tahpanhes, pabotohon ma barita on, ‘Markobas ma hamu laho martahan, angke sude sinadonganmunu abiskonon noma i di parporangan!

JEREMIA 50:18

Hara ni i, Au Tuhan Na Markuaso, Debata ni Israel, uhumanKu ma Raja Nebukadnesar dohot luatnia i laing songon panguhumingKu di raja Asur.

JEHESKIEL 21:28

“Ale anak ni jolma, maralatan ma ho! Paboa ma tu halak Amon na mangalayasi Israel i, Au Tuhan Debata mandok, ‘Madung hobas sada podang laho manyambol, madung digarut podang i manyirlak songon hilap, anso singkop laho mamunu.

ZAKARIA 6:6

Kehe ma kareta porang na nitarik ni kudo na lomlom i sabola tu Utara adop Babel. Kudo na bontar i kehe adop Hasundutan jana kudo sibolang i kehe adop Selatan.”