JEREMIA 44:3 - BIBEL JAMITA NA DENGGAN

³ Patunda ni dosa ni halak na maringanan di angka kota i do umbaen na muruk Au. Dipelehon halahi haul jana marsomba halahi tu angka debata na so unjung hian dope disomba halahi sandiri, bope hamu sanga ompungmunu.

JEREMIA 44:3 ပူးပေါင်းရင်းမြစ်များ

NEHEMIA 9:33

Bonar do pambaenanMu, hami na mardosa diuhumi Ho laing setia do Ho haru pe hami gok tilako.

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JEREMIA 11:17

Au do na pajongjong Israel dohot Juda, Au Tuhan Na Markuaso tapi anggo saonnari madung Husangkapi laho parohon hamamago tu halahi. Halahi sandiri do mangalap-alapi sudena i, patunda ni hasalaan ni halahi; dihaulkon halahi haul tu Baal, hara ni i do umbaen na gabe muruk Au.”

JEREMIA 16:10

Muda dipabolkas ho sudena on tu halahi, sapa-sapa ma halahi sanga hara ni aha umbaen na ra Au manguhumi halahi songon i boratna. Sapa-sapa ma halahi sanga aha hasalaan dohot dosa ni halahi maradopkon Au Tuhan Debata ni halahi.

JEREMIA 22:9

Dung i alusan ni halak ma, umbaen na tarjadi pe sudena i hara ni na dung manyimbil hamu sian parjanjianmunu dohot Au Debatamunu, jana marsomba hamu lalu mangoloi tu angka debata.”

JEREMIA 29:19

Tarjadi pe sudena i tu halahi hara ni na so ra do halahi mangihutkon tonangKu na sai torus Hupalalu tu halahi marhite angka panurirang, i ma angka naposongKi. Nada ra halahi mamparrohahon tonangKi.

JEREMIA 32:30

Sian mulana do dibaen halak Israel dohot Juda na so sonang rohangKu. Sai dipagilap-gilap halahi do muruk ni rohangKu marhite hajahatan ni parbuatan ni halahi.

JEREMIA 44:23

Tarjadi pe hamagoan si saonnari on tu hamu, hara ni na marsomba do hamu tu debata na asing jana mardosai hamu tu Debata. Nada dipatulus hamu tonaNa, aturanNa dohot na dung ditotopkon Ia, i do umbahen marhancit hamu songon si saonnari on.”

JEREMIA 44:8

Biasi sai mangalap-alapi hamu anso muruk Au? Ro hamu jana maringanan di Mesir on, lalu marsomba hamu tu gana-ganaan jana mamelehon haul tu angka debata ni luat on! Biasi ra hamu mangalapi hamamagomunu? Giotmunu ma he marlayas baenon ni bangso na satano on jana goarmunu pakeonna gabe bura?

JEREMIA 5:19

Tapi muda sapa-sapa halahi sanga hara ni aha umbaen na songon i Hubaen tu halahi, dokkon ma ale Jeremia tu halahi sanga songon dia panadingkon ni halahi di Au di tano ni halahi sandiri laho mangoloi angka debata na asing, laing songon i muse ma halahi gabe hatoban ni angka halak na asing di luat na leban.”

JEREMIA 5:29

Tapi patunda ni sasudena i, Au Tuhan, giot uhumanKu ma halahi giot baloskononKu angka pambaenan ni bangso on.

JEREMIA 7:19

Hape anggo satutuna nada rohangKu na nipahancit ni halahi, tapi dirina sandiri do, gabe maila ma halahi.

ANDUNG 1:8

Dipahodar Jerusalem do dirina sandiri dohot dosa na nibaenna i mambaen gigi. Saonnari talak-talak ia jana marlayas; ma pola mago sude hagodanganna. Humolos ia, hara ni na dung maluak bohina.

ANDUNG 4:13

Tapi madung tarjadi na songon i, hara ni dosa ni angka malim dohot panurirang. Manduruskon mudar do halahi, mudar ni halak na so marsala muse do i.

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PANGARATAION 29:25

Jana songon on ma alusna, ‘Hara ni na marbalik do bangso ni Tuhan i sian parjanjian na nibaen ni halahi dohot Tuhan, Debata ni ompu ni halahi, di na niobanNia halahi ruar sian Mesir.

PANGARATAION 29:26

Mamele halahi antong tu angka debata na asing na so jungada hian disomba halahi, hape nian na dung dilarang ni Tuhan hian do halahi mamele angka debata i.

PANGARATAION 32:17

Marhaul halahi tu angka sombaon angka debata na so ditanda, sanga na so dihabiari angka ompuna.

IBRANI 3:16

Antong, ise dehe halakna i, na umbege sora ni Debata, gabe mangalo halahi tuSia? Nada he sudena halak na niuluhon ni si Musa i haruar sian Mesir?