JEREMIA 44:1 - BIBEL JAMITA NA DENGGAN

¹ Mangkuling ma Tuhan tu au taringot tu sude halak Israel na maringanan di Mesir, i ma na di kota Migdol, Tahpenhas, Memphis dohot di tano Patros.

JEREMIA 44:1 ပူးပေါင်းရင်းမြစ်များ

PAMUNGKAAN 10:14

Petrusim, Kaslukhim, dohot Kaftorim. Angka i ma ompu ni bangso Pilistin.

HARURUAR 14:2

“Suru ma halak Israel i mulak jana marbandar di jolo ni kota Pi Hahirot, antara ni kota Migdol dohot Laut Rara donok tu kota Baal Zefon.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 19:13

Jolma na bodo do angka pamimpin di Zoan dohot Memphis. Nanggo na mamimpin halahi, na mur paliluhon bangso i noma dohonon.

JEREMIA 2:16

O ale Israel, hona gusting do obuk ni ulumu dibaen halak Memphis dohot Tahpanhes.

JEREMIA 24:8

Tapi anggo si Zedekia raja ni Juda dohot angka bagian na mora-mora na rap dohot ia, dohot halak Jerusalem na teba na maringanan hot di luat on dohot na bungkas tu Mesir, baenonKu ma halahi songon batu ni ara na busuk-busuk on, na so tarpangan be. Au Tuhan madung mandok songon i.

JEREMIA 43:13

Roncohononnia ma angka tugu ni gana-ganaan na di Heliopolis di Mesir, jana angka inganan pamelean ni angka debata ni Mesir abis ma tutunganna.”

JEREMIA 44:15

Dung i marroan ma halak bahat sajo mandapotkon au, i ma angka ama-ama na mamboto dadaboruna kehe memelehon haul tu angka debata dohot sude dadaboru na marjongjongan disi, dohot ma disi halak Israel na maringanan di Mesir na di Selatan – didok halahi ma tu au,

JEREMIA 46:14

“Di angka kota ni Mesir, i ma di Memphis, Migdol dohot di Tahpanhes, pabotohon ma barita on, ‘Markobas ma hamu laho martahan, angke sude sinadonganmunu abiskonon noma i di parporangan!

JEREMIA 46:19

Marhobas be ma hamu angka halak Mesir anso ditaban jana dioban! Gabe lobu ma kota Memphis, inganan na lungun na so diingani.

JEHESKIEL 29:10

gabe musumu ma Au, dohot musu ni Batang aek Nilmi. BaenonKu ma sude Mesir gabe tano na lungun mamungka sian Migdol di Utara lalu tu Siene di Selatan, saginjang ni angka batas tu parbalokan ni tano Etiopia.

JEHESKIEL 29:14

PasuangonKu hamu mangulahi jana suruonku maringanan di Mesir, i ma Patros sabola Selatan, tano asalmu. Pajongjong harajaan na gale ma hamu disi,

JEHESKIEL 30:13

Didok Tuhan Debata i ma, “Giot ropukanKu angka gana-ganaan dohot angka debata na di Mempis. Nada adong be tu joloan on raja di Mesir. Mabiar baenonKu sude halak na maringanan disi.

JEHESKIEL 30:14

Sude Mesir; Patros sabola Selatan giot baenonKu mangalungun jana kota Soan na di Utara giot surbuonKu. Tebe kota sabungan i giot uhumanKu,

JEHESKIEL 30:16

ParoonKu ma api di Mesir, humitir ma Sin jana hona rampas ma Tebe jana angka tembokna pe angkon martolbakan.

JEHESKIEL 30:18

Di ari i, di na Hupaujung sahala ni Mesir jana Hubuat kuasonia na nihagodangkonnia i, manggolap ma Tahpanhes jana tangkuponna ma angka dadaboruna.

HOSEA 9:6

Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.