JEREMIA 43:5 - BIBEL JAMITA NA DENGGAN

⁵ Dioban si Johanan dohot angka parpangkat i ma sude tu Mesir sandok halak na adong di Juda, songon i muse dohot halak na dung marmulahan sian luat na asing inganan parserahan ni halahi.

JEREMIA 43:5 ပူးပေါင်းရင်းမြစ်များ

2 RAJA-RAJA 25:22

Dung i diangkat Raja Nebukadnesar ma si Gedalya anak ni si Ahikam pahompu ni si Safan gabe gubernur di Juda laho mamarenta sandok halak na tading disi.

JEREMIA 40:10

Au sandiri maringanan di Mispa do, jana au ma da mangwakili hamu muda pala sai ro angka halak Babel i tuson. Tola do hamu palagutkon dohot manyimpan anggur, buah-buahan dohot miak zetun, dohot maringanan di angka kota siingananmunu.”

JEREMIA 41:10

Dung i ditangkup si Ismael ma angka boru ni raja i dohot sude halak na adong dope di Mispa i ma angka na nipasahat ni si Nebusaradan tu si Gedalya sijagoonnia. Ditangkup ia ma halahi lalu kehe ma ia rap dohot halahi tu sabola Luat Amon.

JEREMIA 41:17

Gabe mabiar ma halahi sudena tu halak Babel hara ni na nibunu ni si Ismael si Gedalya na niangkat ni raja Babel i gabe gubernur ni luat i. Jadi gabe lari ma halahi tu Mesir. Di tonga dalan, maradian ma halahi di Kimham na di lambung ni Betlehem.

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.