JEREMIA 43:3 - BIBEL JAMITA NA DENGGAN

³ Si Barukh anak ni si Neria i do manjujui ho laho mangalo hami, anso ditaluhon halak Babel hami jana dibunu sanga dioban tu Babel.”

JEREMIA 43:3 ပူးပေါင်းရင်းမြစ်များ

MASMUR 109:4

Haru pe huhaholongi halahi jana hutangiangkon, tapi laing dialo halahi do au.

JEREMIA 32:12

jana hulehen ma surat na dua i tu si Barukh anak ni si Neria pahompu ni si Mahseya. Hupasahat di jolo ni si Hanameel do i dohot angka saksi na maneken surat-surat i dohot di jolo ni angka halak na topet marjuguhan di alaman i.

JEREMIA 36:10

Jadi disise si Barukh ma sian balunan ni surat i sandok na dung huhatahon, jana sude do halak manangihon. Di bagasan Bagas Ni Tuhan do i dipatupa, di kantor ni si Gemaria, anak ni si Safan juru tulis ni raja i. Di alaman parginjang i do kantor i, di lambung ni dalan laho masuk tu Pintu Horbangan Baru na di Bagas Ni Tuhan.

JEREMIA 36:26

Mur disuru do tehe si Jerahmeel anak ni raja i rap dohot si Seraya anak ni si Asriel dohot si Selemia anak ni si Abdiel anso manangkup au dohot si Barukh juru tuliski. Tapi ditabunihon Tuhan hami.

JEREMIA 36:4

Jadi gabe hupio ma si Barukh anak ni si Neria jana hudiktehon ma tusia sude na nidok ni Tuhan tu au. Jadi disuratkon si Barukh ma sudena i tu karotes balunan i.

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

JEREMIA 43:6

Halaklahi, dadaboru, angka dakdanak, dohot angka boru ni raja na nipasahat ni si Nebusaradan jagoon ni si Gedalya, dohot ma au disi dohot si Barukh, dioban ma sude tu Mesir.

LUKAS 6:26

Marjaya ma hamu muda sude halak mamuji hamu; angke songon i do angka panurirang panipu najolo dipapuji-puji angka ompung ni halahi.”