JEREMIA 43:10 - BIBEL JAMITA NA DENGGAN

¹⁰ Lalu dokkon ma tu halahi, bahaso Au Tuhan Na Markuaso, Debata ni Israel, giot paroonKu naposongKu si Nebukadnesar raja ni Babel tu inganan on. Jana di ginjang ni angka batu na nitanommu di bagasan tano i, giot pajongjongonnia ma habangsania lalu pahirbangonnia bandar ni harajaannia.

JEREMIA 43:10 ပူးပေါင်းရင်းမြစ်များ

1 RAJA-RAJA 20:12

Dipalalu ma alus ni si Ahab i tu Raja Benhadad dompak rap minum-minum ia dohot angka raja na asing na mandongani ia di bagasan parbandaran ni halahi. Umbege i, diparentahon si Benhadad ma manigor angka halaknia anso diporangi kota Samaria. Jadi kehe ma halahi.

1 RAJA-RAJA 20:16

Dipungka ma marporang arian, dompak minum-minum lopus mabuk si Benhadad dohot donganna sitolu pulu dua halak i lopus masuk di parbandaran ni halahi i.

MASMUR 18:11

Dibaen Ia ma hagolapan di humaliangNa baen parsitabunianNa, ombun na dokdok jana na hapal ma baen ingananNa.

MASMUR 27:5

Tuhan do mangondingi au di hatiha parmaraan, mamunihon au di BagasNa, mangabing au tu ginjang ni dolok batu.

MASMUR 31:20

Ditabunihon Ho do halahi di linggomanMu, maradopkon tipu akal ni parjahat. Dilinggomi Ho do halahi di inganan na sonang, maradopkon incak ni musuna.

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JESAYA 45:1

Songon on do hata ni Tuhan, “On ma hatangKu tu halak na Hupasupasu i, si Kores na dung Hutiop tangan siamunna. Anso Hutaluhon angka bangso na di jolona, dohot mamupusi angka raja; anso Hubuka angka pintu na di jolona, jana angka horbangan pe nada tartutup be mangulahi.”

JEREMIA 1:15

Angke satutuna pioonKu ma sude angka bangso na di Utara anso ro halahi, ninna Tuhan, marroan ma halahi jana marsipajongjong tuku harajaanna be, di harbangan ni Jerusalem, halianganna ma tembok na i jana donok tu angka kota ni Juda.

JEREMIA 43:9

“Pambuati ma angka batu na godang-godang, lalu tanom i di bagasan tano di jolo ni pintu masuk tu bagas inganan ni pamarenta ni kota i. Usahahon ma anso diida angka halak Juda dikarejohon ho pangalaho i.

JEREMIA 46:13

Di na ro si Nebukadnesar raja ni Babel mamorangi Mesir, mangkuling ma Tuhan tu au, didok Ia,

JEREMIA 49:38

Gete-geteonKu ma angka raja-raja dohot angka pamimpin ni halahi jana giot pajongjongonKu habangsangKu di tano ni halahi.

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.