JEREMIA 42:6 - BIBEL JAMITA NA DENGGAN

⁶ Na denggan bope na jat, sai tangihononnami do sora ni Tuhan, Debatanta, paboa na dung hami suru ho tuSia, anso denggan hami hara ni na dung hami bege sora ni Tuhan, Debatanta.”

JEREMIA 42:6 ပူးပေါင်းရင်းမြစ်များ

MASMUR 128:2

Panganonmu noma suha ni karejomu makmur jana sonang ngolumu.

MASMUR 78:36

Hape hum gabus sajo do dipandok halahi, nada adong na tutu hata na nidokna i.

HARURUAR 24:7

Dung i dibuat si Musa ma buku parjanjian panyuratan ni angka parenta ni Tuhan i, jana disise ia ma i gogo di jolo ni bangso i. Didok halahi ma, “Oloannami ma Tuhan i, jana patulusonnami ma sandok na niparentahonNia.”

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

JEREMIA 22:15

Muda dipajongjong ho bagas godang mamake hayu sampinur Libanon na jumegesna, i ma he tandana paboa ho ma raja na dumenggan sian angka raja na asing? Ingot ma jolo tu amangmu. Didai ia do ngolu na sonang jana mardohar do ia di sude karejonia, angke tigor jana lidang do ia tongtong jana tigor do dibaen ia parkaro ni halak na pogos.

JEREMIA 43:4

Si Johanan pe dohot sude parpangkat i maradu rayat i, nada ra mangoloi parenta ni Tuhan i anso tinggal halahi di tano Juda.

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

SURAT NI SI PAULUS TU PARLAGUTAN ROM 7:13

Muda songon i, gabe hamatean do lakna na denggan i di au? Nada! Tapi anso torang, bahaso ia do dosa, jana dosa mampargunahon na denggan parohon hamatean tu au, anso markite parenta i, dosa i mur torang muse songon dosa.

SURAT NI SI PAULUS TU PARLAGUTAN ROM 7:7

Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

PANGARATAION 5:27

Antong Musa, ho ma kehe laho manangihon sandok na nidok ni Tuhan Debatanta i. Dung salpu i, angkon mulak ho laho palaluhon tu hami sanga aha, na nidokNa i tu ho. Tangi ma hami jana mangoloi.’

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

JOSUA 24:24

Dung i didok angka halahi ma tu si Josua, “Hum Tuhan Debatanta i do na giot oloannami. Sai oloannami ma angka parentaNia.”