JEREMIA 42:5 - BIBEL JAMITA NA DENGGAN

⁵ Didok halahi ma tu au: “Padiar ma Tuhan gabe saksi na sintong jana na bisa dihaporsayai maradopkon hami, muda inda hami oloi sude hata na dung disuru Tuhan, Debatamu tu hami.

JEREMIA 42:5 ပူးပေါင်းရင်းမြစ်များ

PAMUNGKAAN 31:50

Didok si Laban dope, “Muda mambaen jahat ho tu dakdanakku, sanga mangalap boru na asing, haru pe na so huboto, ingot ma na nimataan ni Debata hita.

HARURUAR 20:19

Didok halahi ma tu si Musa, “Ho sajo ma mandok hata tu hami, hami bege pe; tapi ulang ma Debata na mandok hata tu hami, naron gabe mate hami.”

HARURUAR 20:7

Ulang dokkon goar ni Tuhan Debatamu, di na so dalanna, dibaen uhumon ni Tuhan do halak na mandok goarNia di na so dalanna.

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

JEREMIA 43:4

Si Johanan pe dohot sude parpangkat i maradu rayat i, nada ra mangoloi parenta ni Tuhan i anso tinggal halahi di tano Juda.

JEREMIA 5:2

Haru pe didok halahi, “Marhite Tuhan na mangolu,” tapi marsumpa pargabus do halahi.

MIKA 1:2

Tangihon hamu ma, ale angka bangso! Parrohahon ma, ale angka na mangingani tano! Masuk do Tuhan Debata tu paruhuman gabe saksi mangalo hamu sudena! Tangihon ma Ia mandok hata sian bagasNia Na Badia i.

MALEAKI 2:14

Sapa-sapa hamu sanga hara ni aha umbaen na so dijagit Ia angka haulmunu. Anggo dalanna i ma hara ni na niboto ni Tuhan do na manguba janji hamu dohot dadaborumunu na dibuatmunu taran di haposoonmu. Anak boru i ma dongamunu sahangoluan, hape diose hamu do janjimunu tusia. Haru pe na dung marsumpa hamunu di jolo ni Debata mandok tongtong burju ho tusia.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

SURAT NI SI PAULUS TU PARLAGUTAN ROM 1:9

Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

HAKIM-HAKIM 11:10

Didok halahi ma, “Satuju ma hami. Tuhan ma saksina.”

1 SAMUEL 12:5

Dung i didok si Samuel ma, “Di ari sadari on, Tuhan ma saksina dohot raja na nipiliNia i bahaso na so hadapotan au marsala saotik pe.” “Olo, Tuhan ma saksina,” ning halahi mangalusi.

1 SAMUEL 20:42

Dung i didok si Jonatan ma tu si Daud, “Sai didongani Debata ma ho. Jagohonon ni Tuhan do anso togu hita maniop janjinta na dua dohot pomparanta di adopan ni Debata.” Dung salpu i, kehe ma si Daud, jana si Jonatan pe mulak ma tu kota.