JEREMIA 42:4 - BIBEL JAMITA NA DENGGAN

⁴ Hualusi ma, “Antong denggan ma i. Hujagit ma pangidoanmunu i. Hutangiangkon ma tu Tuhan Debatanta i jana sanga aha pe antong alusna, hupaboa pe tu hamu sudena; sada pe nada tola bunihononku tu hamu.”

JEREMIA 42:4 ပူးပေါင်းရင်းမြစ်များ

MASMUR 40:10

Di parpunguan ni bangsongku nada hupahohom, barita haluaan i nada hurahasiahon. Sai na hupajojor-jojor do haburjuan ni rohaMu, pangurupiMu dohot holong ni rohaMu na so mantak i.

HARURUAR 8:29

Dialusi si Musa ma, “Antong disi kehe hami, tangiangkononnami ma tu Tuhan anso markehean lanok i sian raja i, sian menteri-menteri bope sian rayat i. Tapi ulang be paoto-oto hami, jana ulang ambati bangso Israel kehe manghaulkon haul tu Tuhan.”

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

JEREMIA 23:35

Tapi suhar-suharna, sapatutna nian angkon sapaan ni halak do tu donganna dohot tu dongan sabagasna, ‘Aha do alus ni Tuhan?’ sanga ‘Aha do na nidok ni Tuhan?’

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

BAENON NI ANGKA RASUL 20:20

Diboto hamu do, na so pola maralang-alang au mandok sanga aha na marguna tu hamu. Huajari do hamu di tonga-tonga ni halak na bahat sanga pe na di bagas.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.