JEREMIA 42:22 - BIBEL JAMITA NA DENGGAN

²² Antong, ingot hamu ma: Di tano por ni roha na giot topoton dohot ingananmunu i, disi ma hamu mate baenon ni porang, sanga hara ni haleon potir sanga baenon ni nyae masa.”

JEREMIA 42:22 ပူးပေါင်းရင်းမြစ်များ

JESAYA 30:3

Hape pabilehon halahi do parlindungan ni Parao, jana parlinggoman na nipainte-inte i sian Mesir marujung tu hasusaan sajo do.

JEREMIA 24:10

ParoonKu tu halahi parporangan, tangkuraparon, dohot nyae masa lopus marmatean halahi sude jana umpe sada na tading di luat na dung Hulehen on tu halahi dohot ompu ni halahi.”

JEREMIA 42:17

Sandok halak na manggogo rohana kehe tu Mesir jana maringanan disi, mate di pangan porang ma i, mate hara ni tangkuraparon sanga hara ni nyae masa. Sahalak pe nada adong na malua sian mara na giot paroonKi tu halahi; angkon gabe mate sude.

JEREMIA 43:11

Giot ro ma si Nebukadnesar jana taluhononnia Mesir. Jana marmatean ma baenon ni nyae masa angka halak na dung ditontuhon mate. Halak na ditontuhon obanon gabe taban, angkatonna ma i gabe taban jana halak na ditontuhon mate di parporangan, mate ma i panganon ni porang.

JEREMIA 44:12

Jana ampot adong sian halak Juda na teba i na sai marpor ni roha tu Mesir laho maringanan disi, gabe bunuonKu ma halahi. Sude halahi na menek na godang, mate ma di Mesir baenon ni porang sanga hara ni haleon potir. Gabe jorbut pangkilalaan ni halak mida halahi jana palayasonna halahi. Gabe goar bura ma baenon ni halak goar ni halahi.

JEHESKIEL 33:27

Mangasahon Au Na Mangolu, ninna Tuhan Debata, angkon mate tarbunu noma angka jolma na maringanan di lobu ni kota na sego i. Angka na maringanan di padang-padang, panganon ni angka binatang panyoro noma i. Angka na martabuni di dolok-dolok dohot angka liang, mate ma i baenon ni nyae masa.

JEHESKIEL 6:11

Didok Tuhan Debata i ma, “Marsak ma da hamu! Mangandungi ma! Tangis ma hamu mangalungun hara ni sandok hajahatan i dohot hagigian na nibaen ni bangso Israel. Marmatean ma halahi hara ni porang, haleon dohot nyae masa.

JEHESKIEL 6:12

Hilalaon ni halahi sude ma panyuraka ni murukKu. Angka jolma na dao di habuangan marnyae i ma lalu mate; na donok mate ma baenon ni porang, jana na deba nari i mate tangkuraparon.

HOSEA 9:6

Madung donok hamamago jana masarsar ma hamu. Jadi palagut-laguton ni halak Mesir ma hamu anso dikubur di Memphis! Tubu ma duhut dohot duri, jana tutupanna ma parbagasonmunu humani dohot angka barang perakmunu sigodang arga i.