JEREMIA 42:20 - BIBEL JAMITA NA DENGGAN

²⁰ na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

JEREMIA 42:20 ပူးပေါင်းရင်းမြစ်များ

MASMUR 18:44

Bangso na asing i tunduk tu au, jana mangoloi muda tarbege parentangku.

MASMUR 65:3

Na borat ma da boban ni dosanami, hape diampuni Ho do i sudena.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

JEREMIA 37:3

Disuru si Zedekia ma si Jukal anak ni si Selemia, dohot Malim Zefanya anak ni si Maaseya mangidohon anso martangiang au tu Tuhan Debata salaho tu haporluan ni bangso i.

JEREMIA 38:14

Sanoli nari di hatiha na asing, disuru Raja Zedekia ma halak maroban au mangadop tusia di pintu patoluhon di Bagas Ni Tuhan. Didok ia ma tu au, “Na giot adong do sapaanku tu ho, jana angkon alusanmu do torang. Ulang buni-bunihon sanga na aha.”

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JEREMIA 42:5

Didok halahi ma tu au: “Padiar ma Tuhan gabe saksi na sintong jana na bisa dihaporsayai maradopkon hami, muda inda hami oloi sude hata na dung disuru Tuhan, Debatamu tu hami.

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

BILANGAN 16:38

Madung badia barang-barang i hatiha na nipasahat di ginjang langgatan ni Tuhan. Dung i buat ma inganan ni api ni halak na hona uhum hara ni dosa ni halahi i. Angkon topaon barang-barang i gabe nipis-nipis, jana baen ma sian na dung nipis i gabe tutup ni langgatan. Gabe parningotan ma i di bangso Israel.”

BILANGAN 17:3

dung i suratkon goar ni si Harun tu tungkot ni na mangwakili Marga Levi. Ganop pamimpin ni marga adong sada tungkot.

MATEUS 22:35

Jadi ro ma sahalak sian halahi Siboto Surat mancubo-cubo manjalahi hasalaan ni Jesus markite-hite sapa-sapa.

GALATIA 6:7

Ulang hamu ra dipaoto-oto! Nada sipargonjakkonon Debata! Sanga aha nisuan angkon laing i do sabion.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.