JEREMIA 42:2 - BIBEL JAMITA NA DENGGAN

² mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JEREMIA 42:2 ပူးပေါင်းရင်းမြစ်များ

1 RAJA-RAJA 13:6

Dung i didok Raja Jerobeam ma tu panurirang i: “Tolong ma jolo jana martangiang ho tu Tuhan Debatamu hara ni au. Pangidohon ma anso dipamalum Ia tangankon!” Jadi martangiang ma panurirang i tu Tuhan, gabe malum ma tangan ni raja i.

MASMUR 119:170

Tangihon ma tangiangku jana palua ma au, songon na nidok ni baga-bagaMu.

HARURUAR 8:28

Ninna raja i ma, “Hupaloas pe hamu kehe tu halongonan, laho manghaulkon haul tu Tuhan Debatamunu i, asal ma ulang dao hamu kehe. Antong, tangiangkon ma au!”

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

JESAYA 42:20

O Israel, bahat do nian na niidamu, hape so diparrohahon ho, marbuka do nian pinggolmu, hape na so marbinege do.”

JEREMIA 15:11

O Tuhan, muda na so denggan do tutu hudalankon karejongku, jana nada huondihon angka musungku di joloMu taran marsak jana susa halahi, sai tulus ma nian bura ni angka jolma i. (

JEREMIA 2:27

Pailaon do hamu, angke didok hamu do amangmunu samponggol hayu jana marpio inang hamu tu sada batu, lalu ditadingkon hamu Au. Hape muda ro hasusaan, dipangido hamu ma anso ro Au giot paluahon hamu.

JEREMIA 21:2

“Mangkobari ma jolo ho dohot Tuhan salaho tu hita, harana madung dihobuk si Nebukadnesar raja ni Babel rap dohot paranganna kotanta on. Betak na giot baenon ni Tuhan do hahomangan di hita, jana paksaonNa si Nebukadnesar manarik mundur parangannia.”

JEREMIA 36:7

Betak na gabe martangiang do halahi tu Tuhan baenon ni i jana muba halahi sian angka parbuatan ni halahi na jahat i. Sun do muruk ni Tuhan tu halahi jana mangondam do tu halahi.”

JEREMIA 37:20

Saonnari ale rajanami, raja na sangap, ditangihon raja i ma jolo pangidoankon. Ulang be ditongos raja au mulak tu hurungan na di bagas ni si Jonathan i, mate ma au lalu disi.”

JEREMIA 37:3

Disuru si Zedekia ma si Jukal anak ni si Selemia, dohot Malim Zefanya anak ni si Maaseya mangidohon anso martangiang au tu Tuhan Debata salaho tu haporluan ni bangso i.

JEREMIA 38:14

Sanoli nari di hatiha na asing, disuru Raja Zedekia ma halak maroban au mangadop tusia di pintu patoluhon di Bagas Ni Tuhan. Didok ia ma tu au, “Na giot adong do sapaanku tu ho, jana angkon alusanmu do torang. Ulang buni-bunihon sanga na aha.”

JEREMIA 40:15

Dung i sip-sip ma didok si Johanan tu si Gedalya, “Denggan ma i kehe au mamunu si Ismael; sahalak pe nada adong na umboto i. Biasi padiaron antong ia mamunu ho? Gabe masarsar muse do mangulahi halak Juda na dung marlagut rap dohot ho muda tulus songon i, jana i ma boncir ni hasusursar ni sude rayat na teba di Juda.”

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

JEHESKIEL 12:16

Adong do saotik sian halahi na giot paluaonKu sian parporangan, sian tangkuraparon dohot nyae, anso diboto halahi di tonga-tonga ni bangso sileban i hajorbuton ni pambaenan ni halahi. Jadi okuon ni halahi ma disi, Au do Tuhan.”

HOSEA 8:10

Tapi saonnari palagutonKu noma halahi jana nada be angkaton ni halahi sandiri raja sanga angka pamimpin ni halahi. Nada sadia honok nari ganggu ma halahi hara ni na hancitan, muda jabat ro raja ni Asur mamisat halahi.

HAMALIMON 26:22

ParoonKu ma angka binatang na parohon parmaraan tu tonga-tongamunu. Soroanna ma angka anakmu, mamunu pahan-pahananmu pasudehon hamu, gabe saotik ma bilanganmunu, gabe lungun angka dalan na adong di luatmunu.

AMOS 7:2

Dompak dipapangani angka siapor i sude suan-suanan na tubu di tano i lopus abis, mangkuling ma au, “Tuhan Debata, lehen ma antong pangampunan! Songon dia ma he baenon ni si Jakob martahan? Nada he na menek do ia?”

MATEUS 24:22

Tapi madung dipapendek Debata hatihana i. Sugari nada, umpe sahalak jolma na tarbaen tahan. Tapi hara ni bangsoNia i, gabe dipapendek Debata do hatihana i.

BAENON NI ANGKA RASUL 8:24

Dung i didok si Simon ma tu si Petrus dohot si Johannes, “Tolong ma jolo tangiangkon hamu au tu Tuhan anso ulang tulus tarjadi tu au sanga aha na nidokmunu i.”

PANGARATAION 28:62

Haru pe na dung sabahat ni bintang na di langit bilanganmunu, hum saotik sajo noma na tinggal mangolu, hara ni na so mangoloi hamu tu Tuhan Debatamunu.

PANGARATAION 28:63

Songon jop ni roha ni Tuhan mangalehen hadumaon di ho dohot patamba bilanganmunu, laing songon i muse ma sonang ni rohaNia mangabisi ho dohot maroban hasesego tu ho. UmpatonNa ho sian tano i, na so sadia lolot nari be lehenonNa baen ingananmunu.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

1 SAMUEL 12:19

Gabe didok halahi ma tu si Samuel, “Tolong ma amang, tangiangkon ma hami on tu Tuhan Debatami, anso ulang mate hami. Saonnari torang ma hami boto, asing sian dosanami, madung mardosa muse hami hape hara ni na mangido sada raja.”

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

1 SAMUEL 7:8

Didok halahi ma tu si Samuel, “Ulang mantak ho na martangiang i tu Tuhan Debatanta anso dipalua Ia hita sian halak Pilistin.”