JEREMIA 42:11 - BIBEL JAMITA NA DENGGAN

¹¹ Ulang be mabiar hamu tu raja ni Babel i. Di tonga-tongamunu do Au laho paluahon hamu sian kuaso ni tangannia.

JEREMIA 42:11 ပူးပေါင်းရင်းမြစ်များ

2 RAJA-RAJA 25:26

Gabe sude ma rayat ni Juda, na kayo dohot na pogos rap dohot angka perwira kehe tu Mesir hara ni biarna tu halak Babel.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JESAYA 43:5

Ulang ho mabiar sanga enek rohamu, angke Au do pangondianmu. Sian Hasundutan dohot sian Habincaran, Husuru marlagut angka pomparanmu.

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”

JEREMIA 1:8

Ulang ho mabiar mida halahi, angke sai dongananKu do ho laho mangondihon ho. Au Tuhan, madung mandok songon i!”

JEREMIA 15:20

BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

JEREMIA 27:11

Tapi anggo bangso na ra tunduk jana mangoloi tu raja ni Babel, padiaronKu do maringanan di bona buluna sandiri, jana martani disi. Au Tuhan, madung mandok songon i.”

JEREMIA 27:12

Hupalalu muse ma songon i tu si Zedekia raja ni Juda. Hudok ma, “Manyora ma da tu raja ni Babel. Tunduk ma da ho tusia dohot tu bangsonia i, anso malua raja i.

JEREMIA 27:17

Ulang patangi-tangi hamu i. Manyora ma hamu tu raja ni Babel anso malua hamu. Aha ma he gunana maronco kota on?

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

BAENON NI ANGKA RASUL 18:10

Harana dongananKu do ho. Nada adong sahalak pe na mambaen na jahat tu ho, angke bahat do di kota on halak na gabe punangKu.”

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

PANGARATAION 20:4

Kehe do Tuhan Debatamunu mandongani hamu jana lehenonNia do hamonangan di hamu.’

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”