JEREMIA 42:10 - BIBEL JAMITA NA DENGGAN

¹⁰ ‘Muda giot hot do hamu maringanan di luat on, angkatonKu ma hamu jana nada dabuhononKu; pajongjongonKu ma hamu, jana nada runcurhononKu. Marsak sajo do Au hara ni na dung Hupamasa hamamago tu hamu.

JEREMIA 42:10 ပူးပေါင်းရင်းမြစ်များ

2 SAMUEL 24:16

Ma lalu surusuruan na pasarsar hamatean i di lambung ni pardegean ni gandum nampuna ni si Arauna halak Jebus i. Jadi dung diida Tuhan na dung hobas surusuruan i laho mangabisi Jerusalem, dipauba Tuhan ma haputusannia i laho manguhum bangso i. Didok Tuhan ma tu surusuruan i, “Tuk ma i! Antak ma!”

MASMUR 102:16

muda bangunon ni Tuhan ma Sion mangulaki, jana muda ro Ia di bagasan hatongamonNia.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 69:35

PaluaonNia noma Sion, jana pajongjongonNia mangulahi angka kota ni Juda. Maringanan disi noma bangso i; tano i gabe halahi noma nampunasa,

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

JEREMIA 24:6

JagohononKu do halahi jana obanonKu mangulahi tu luat on. BangunonKu do halahi, nada rumpakononKu; na manyuan do Au, nada mangumpat halahi.

JEREMIA 26:19

Hape nada dibunu Raja Hiskia dohot rayat i si Mika. Mur mabiar roha ni si Hiskia tu Tuhan jana mangido ibo ni roha ia. Jadi gabe ditarik Tuhan mangulahi ondam-ondamNia i laho mangago halahi. Jana saonnari pe, ra dehe hita mangalapi hamagoan godang tu dirinta?”

JEREMIA 27:11

Tapi anggo bangso na ra tunduk jana mangoloi tu raja ni Babel, padiaronKu do maringanan di bona buluna sandiri, jana martani disi. Au Tuhan, madung mandok songon i.”

JEREMIA 31:28

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.

JEREMIA 33:7

Sonang baenonKu Juda dohot Israel jana pasuangonKu halahi songon di mulana.

JEREMIA 43:4

Si Johanan pe dohot sude parpangkat i maradu rayat i, nada ra mangoloi parenta ni Tuhan i anso tinggal halahi di tano Juda.

JEHESKIEL 36:36

Jadi botoon ni angka bangso na hombar na tading i dope na dung Hubangun, Au Tuhan mambangun mangulahi angka kota na dung sego i, dohot mangkarejohon angka ladang na gariang. Au Tuhan madung mandok songon i jana tulus baenonKu songon i.”

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

AMOS 7:3

Gabe manolsoli ma Tuhan hara ni i. “Nada tulus tarjadi na niidami.”

AMOS 7:6

Gabe manolsoli ma Tuhan hara ni i. “On pe nada tulus tarjadi,” ninna Tuhan Debata.

JUNUS 3:10

Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.

JUNUS 3:4

Masuk ma si Junus tu kota i jana dung didalani ia sasadari mamungka ma ia marjamita, ning ia ma, “Opat pulu ari nari, maronco ma Ninive!”

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

BAENON NI ANGKA RASUL 15:16

‘Dung i mangulahi ma Au ro, pajongjongonKu ma mangulahi bagas ni si Daud na marumpak i, jana patureonKu ma sego-segona i, anso Hupajongjong mangulahi;

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

HAKIM-HAKIM 2:18

Muda dilehen Tuhan sada pamimpin di halak Israel, sai na ditolong Ia do i. Jana salolot mangolu pamimpin i, sai dipalua Tuhan do halahi sian angka musu ni halahi, dibaen ibo do rohaNia mida halahi muda dibege Ia halahi mangangguhi hara ni na diparkanciti jana dipapisat-pisat.