JEREMIA 41:5 - BIBEL JAMITA NA DENGGAN

⁵ ro ma salapan pulu halak sian Sikem, Silo dohot Samaria. Madung marcukur janggut halahi, masibak pakean ni halahi, jana digariangi pamatangna. Dioban halahi ma gandum dohot hamonyan sihaulkonon di Bagas Ni Tuhan.

JEREMIA 41:5 ပူးပေါင်းရင်းမြစ်များ

PAMUNGKAAN 33:18

Di pardalanan na sian Mesopotamia lalu ma si Jakob horastorkis tu Sikem na di Kanaan, jadi dipajongjong ia ma bandarnia di sada padang-padang na donok tu kota.

PAMUNGKAAN 34:2

Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

PAMUNGKAAN 37:12

Sanoli hatiha kehe angka angkang ni si Josep i tu Sikem marmahani angka hambeng biri-biri ni amang ni halahi i,

2 SAMUEL 10:4

Jadi gabe ditangkup si Hanun ma suruan ni si Daud i; dicukur ia ma janggutna i sabariba, digotap ia pakeanna i mamungka sian panggulna i, dung i baru ma disuru ia halahi kehe.

1 RAJA-RAJA 12:1

Madung marlagut sude halak Israel na sian bagian Utara di Sikem laho mangojakkon si Rehabeam gabe raja. Jadi ia pe kehe do tusi.

1 RAJA-RAJA 12:25

Dung gabe raja ni Israel si Jerobeam, dipatogu ia ma kota Sikem na di luat partoran Efraim, lalu disi ma ia jolo santongkin maringanan. Dung i kehe muse ma ia sian i jana dipatogu ia ma kota Penuel.

1 RAJA-RAJA 16:24

Tapi dung salpu i ditobusi ia ma sada dolok mararga onom ribu hepeng perak sian sada bayo na margoar si Semer. Dipajongjong si Omri ma sada kota di dolok i, dibaen ia ma goarna Samaria mangihutkon goar ni si Semer nampuna dolok i humani.

1 RAJA-RAJA 16:29

Di taon patolu pulu salapankon mamarenta Raja Asa di Juda, gabe raja ma si Ahab anak ni si Omri di Israel jana dua pulu dua taon honokna mamarenta ia di Samaria.

2 RAJA-RAJA 25:9

Disurbu si Nebusaradan ma Bagas Ni Debata, bagas godang ni raja i dohot bagas ni sude halak na sumangap-sangap di Jerusalem.

1 JUJUR TAON 19:4

Jadi ditangkup si Hanun ma suruan ni si Daud i, dicukur ma janggut ni halahi sasabariba, diponggol ma pakean ni halahi mamungka sian tonga-tonga lalu tu pangkal ni hae-haena, dung i disuru ma halahi kehe.

MASMUR 102:14

Dibaen holong do roha ni angka naposoMu midasa, haru pe madung tinggal sego-sego sajo noma i. Ibo roha ni halahi midasa, haru pe ia madung gabe abu.

MASMUR 78:60

Undung-undungNia na di Silo ditadingkon Ia, i ma inganan parmiananNia di tonga-tonganta.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JEREMIA 16:6

Marmatean ma halak na kayo dohot halak na pogos di luat on jana nada adong halak na manguburkon halahi. Sahalak pe nada adong na mamparkanciti dirina sanga mancukur uluna songon tanda ni arsak roha ni halahi.

JEREMIA 41:4

Ancogotna i taran so tarboto tu halak na hona bunu si Gedalya,

JEREMIA 47:5

Dondonan ni arsak na godang ma halak Gasa; Askelon manguntam. Sadia honok ulaning halak Pilistin na teba i sai manyaroso?

JEREMIA 48:37

Madung dicukur halahi sudena obuk na di ulu ni halahi dohot janggutna, tanganna dihoroti, jana mamake abit goni tanda ni arsakna.

JEREMIA 7:12

Tu Silo ma hamu kehe, kota na Hutodo narobi gabe inganan paribadatan tu Au. Ligi hamu ma sanga songon dia na Hubaen maradopkon kota i hara ni dosa ni bangsongKu Israel.

JEREMIA 7:14

Antong baenonKu ma songon na tu Silo narobi tu BagasKu na nipangasahonmunu on jana na Hulehen tu ompumunu dohot tu hamu.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.

JOSUA 24:32

Saring-saring ni si Josep na nioban ni halak Israel sian Mesir, ditanom ma di Sikem, di tano na nitobusan ni si Jakob mararga saratus potong hepeng perak sian angka anak ni si Hemor, amang ni si Sikem. Jana dipateankon do tano i tu angka pomparan ni si Josep.

HAKIM-HAKIM 18:31

Anggo patung na nibaen ni si Mika i hot do di Lais, salolot laing di Silo Bagas Ni Debata.

HAKIM-HAKIM 9:1

Sanoli kehe ma si Abimelek anak ni si Gideon i tu kota Sikem inganan ni koum sisolkot ni inangnia. Mangkobari ma ia disi dohot halahi, ning ia ma,

1 SAMUEL 1:7

Sai songon i ma na masa sian taon tu taon; sai marpupu ma i ganop kehe halahi tu Bagas Ni Debata, dipahancit si Penina ma roha ni si Hanna. Jotjot do tangis si Hanna jana nada ra ia mangan hara ni na dipalayas.