Marsibunu musu na niadopina be ma halahi, jadi gabe marlojongi ma angka halak Siria i dikojar halak Israel. Tapi anggo si Benhadad malua do; markudo ia paluahon dirinia didongani sanga na piga-piga halak sian angka tentarania na markudo.
Hape di bulan papituhon di na sataon i, kehe ma si Ismael anak ni si Netanya pahompu ni si Elisama laing masuk horong ni raja i dope i, rap dohot sampulu halak nari tu Mispa. Diserang jana dibunu halahi ma si Gedalya rap dohot halak Juda dohot halak Babel na mandongani si Gedalya disi.
Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.
Di na laho torang ari ancogotna i, diroro si Daud ma halahi jana marporang ma lopus borngin. Asing ni siopat ratus halak doli-doli na maporus mangalombut unto, sahalak pe nada adong na malua musu i.