JEREMIA 41:1 - BIBEL JAMITA NA DENGGAN

¹ Di bulan pitu di taon i, kehe ma si Ismael anak ni si Netanya jana pahompu ni si Elisama rap dohot sampulu halak donganna tu Mispa laho marsuo dohot si Gedalya. (Horong na mora-mora do si Ismael, perwira tinggi do ia di harajaan.) Dompak rap mangan halahi sudena,

JEREMIA 41:1 ပူးပေါင်းရင်းမြစ်များ

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 RAJA-RAJA 11:1

Disi tarbege tu si Atalia taringot tu hamamate ni anaknia si Ahasia i, diparentahon ia ma anso dibunu sude horong ni si Ahasia.

2 RAJA-RAJA 25:22

Dung i diangkat Raja Nebukadnesar ma si Gedalya anak ni si Ahikam pahompu ni si Safan gabe gubernur di Juda laho mamarenta sandok halak na tading disi.

2 RAJA-RAJA 25:25

Hape di bulan papituhon di na sataon i, kehe ma si Ismael anak ni si Netanya pahompu ni si Elisama laing masuk horong ni raja i dope i, rap dohot sampulu halak nari tu Mispa. Diserang jana dibunu halahi ma si Gedalya rap dohot halak Juda dohot halak Babel na mandongani si Gedalya disi.

2 JUJUR TAON 22:10

Di na tarboto tu si Atalia bahaso na dung mate Raja Ahasia anaknia i, diparentahon ia ma anso dibunu sude pomparan ni raja na di Juda.

MASMUR 109:5

Hajahaton do dibaen halahi balos ni hadenggananku, jana goyak ni roha balos ni holong ni rohangku.

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

PODA 13:10

Mambaen parbadaan do gincat ni roha; tapi na manangihon poda dapotan bisuk do.

PODA 27:4

Kejam do haririmas jana manyegohon, tapi ise ma na tahan mangadopi pangiburuon?

JEREMIA 36:12

Dung i kehe ma ia tu bagas godang, tu kantor ni juru tulis ni raja. Topet do marrapot disi sude pajabat ni negara i. Disi do si Delaya anak ni si Semaya, si Elnatan anak ni si Akbor, si Gemarya anak ni si Safan, si Zedekia anak ni si Hananya, si Elisama sada halak jurutulis, dohot angka pajabat na asing i bage.

JEREMIA 36:20

Dung i dibaen angka pajabat i ma surat balunan i di bilik ni si Elisama juru tulis i, lalu kehe ma halahi mandapotkon raja i jana dilapurkon halahi ma sudena.

JEREMIA 39:14

mangalap au tu bagas godang. Dung i dipasahat ma au tu si Gedalya anak ni si Ahikam jana pahompu ni si Safan, i ma na mangurus au lopus tarbaen au mulak di bagasan hahorasan. Jadi maringanan ma au di tonga-tonga ni rayat i.

JEREMIA 40:13

Dung salpu i, ro ma si Johanan dohot angka perwira na so ra tunduk tu musu mandapotkon si Gedalya di Mispa

JEREMIA 40:5

Taran so kehe si Nebusaradan, didok ia ma, “Muda ra ho, tola do ho kehe mulak tu si Gedalya anak ni si Ahikam pahompu ni si Safan na dung diangkat ni raja ni Babel gabe gubernur di angka kota ni Juda. Tola do ho maringanan rap dohot ia di tonga-tonga ni rayat i, sanga kehe ho tu dia sajo giot ni rohamu.” Dung i dilehen ia ma balanjo dohot silua di au jana dipaborhat ia ma au.

JEREMIA 40:6

Kehe ma au tu si Gedalya di Mispa jana maringanan ma au disi rap dohot ia di tonga-tonga ni rayat na ditadingkon i di tano Juda.

JEREMIA 40:7

Madung diangkat raja ni Babel si Gedalya gabe gubernur di Juda na mamarenta tu sude jolma na teba di Juda, i ma angka jolma na umpogos i. Deba sian angka perwira dohot parajurit ni Juda na so ra manyora tu Babel, tarbege ma tu halahi taringot tu pangangkatan ni si Gedalya i.

JEREMIA 40:8

Jadi kehe ma si Ismael anak ni si Netanya, si Johanan anak ni si Kareah, si Seraya anak ni si Tanhumet, dohot angka anak ni si Efai na sian Netofa, dohot si Jesanya na sian Maaka kehe rap dohot angka halakna be mandapotkon si Gedalya di Mispa.

JEHESKIEL 17:13

Dung i dipili ia ma sada halak sian kahanggi ni raja ni Juda i mambaen parjanjian dohot ia jana marsumpa paboa na setia tusia. Ditaban raja ni Babel i ma angka halak na markuaso,

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’