JEREMIA 40:7 - BIBEL JAMITA NA DENGGAN

⁷ Madung diangkat raja ni Babel si Gedalya gabe gubernur di Juda na mamarenta tu sude jolma na teba di Juda, i ma angka jolma na umpogos i. Deba sian angka perwira dohot parajurit ni Juda na so ra manyora tu Babel, tarbege ma tu halahi taringot tu pangangkatan ni si Gedalya i.

JEREMIA 40:7 ပူးပေါင်းရင်းမြစ်များ

2 RAJA-RAJA 25:12

Tapi deba sian jolma na pogos-pogos ditadingkon ia do jana disuru ia mangkarejohon kobun anggur dohot angka ladang.

2 RAJA-RAJA 25:4

Laing di hatiha i muse ma ditapor musu tembok ni kota i. Borngin i, haru pe na hona hobuk kota i, maporus ma raja i dohot tentara ni Juda sude kehe tu Rura ni Jordan. Mamolus sian dalan na manyalpui kobun bagas godang i ma halahi, lalu ruar sian horbangan na padomuhon tembok na dua na disi.

JEREMIA 39:10

Deba sian rayat i angka na umpogos na so marsinadongan ditadingkon ia ma i di Juda, dilehen ia kobun anggur dohot ladang.

JEREMIA 39:14

mangalap au tu bagas godang. Dung i dipasahat ma au tu si Gedalya anak ni si Ahikam jana pahompu ni si Safan, i ma na mangurus au lopus tarbaen au mulak di bagasan hahorasan. Jadi maringanan ma au di tonga-tonga ni rayat i.

JEREMIA 39:4

Dung diida Raja Zedekia dohot sude tentarania i sude na masa i, diuji halahi ma maporus paluahon dirina kehe tu Rura Jordan laing di borngin i. Dibolus halahi dalan manyalpui taman ni bagas godang lalu haruar mamolus sian pintu horbangan na padomuhon tembok na dua di inganan i.

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

JEREMIA 41:1

Di bulan pitu di taon i, kehe ma si Ismael anak ni si Netanya jana pahompu ni si Elisama rap dohot sampulu halak donganna tu Mispa laho marsuo dohot si Gedalya. (Horong na mora-mora do si Ismael, perwira tinggi do ia di harajaan.) Dompak rap mangan halahi sudena,

JEREMIA 41:10

Dung i ditangkup si Ismael ma angka boru ni raja i dohot sude halak na adong dope di Mispa i ma angka na nipasahat ni si Nebusaradan tu si Gedalya sijagoonnia. Ditangkup ia ma halahi lalu kehe ma ia rap dohot halahi tu sabola Luat Amon.

JEREMIA 41:11

Tarbege ma tu si Johanan dohot sude parpangkat na rap dohot ia taringot tu hajahatan ni si Ismael i.

JEREMIA 43:6

Halaklahi, dadaboru, angka dakdanak, dohot angka boru ni raja na nipasahat ni si Nebusaradan jagoon ni si Gedalya, dohot ma au disi dohot si Barukh, dioban ma sude tu Mesir.

JEREMIA 52:16

Tapi deba sian rayat na umpogos jana na so mararta ditadingkon ia do i di Juda, jana disuru ia ma i mangkarejohon kobun anggur dohot angka ladang.

JEHESKIEL 45:16

Angkon obanon ni halak na saluat on do angka haul tu parkuaso na mamarenta di Israel.