JEREMIA 40:15 - BIBEL JAMITA NA DENGGAN

¹⁵ Dung i sip-sip ma didok si Johanan tu si Gedalya, “Denggan ma i kehe au mamunu si Ismael; sahalak pe nada adong na umboto i. Biasi padiaron antong ia mamunu ho? Gabe masarsar muse do mangulahi halak Juda na dung marlagut rap dohot ho muda tulus songon i, jana i ma boncir ni hasusursar ni sude rayat na teba di Juda.”

JEREMIA 40:15 ပူးပေါင်းရင်းမြစ်များ

2 SAMUEL 18:3

Tapi dialusi halahi ma, “Ulang, rajanami. Harana, sugari tarpaksa angkon marlojongi hami, sanga sugari mate rupani satonga sian hami, nada parduli musunta i disi, angke raja i do na nirohaan ni halahi. Sarupa do arga ni raja i dohot sampulu ribu sian hami on. Boti muse, gumonan do raja i manongos bantuan tu hami sian kota.”

2 SAMUEL 21:17

Hape ro ma si Abisai anak ni si Zeruya i mangurupi si Daud. Diroro ia ma raksasa i lalu dibunu ia. Dung intap ni i, dipangidohon parangan ni si Daud i ma anso marjanji ia na so dohot be tu parporangan. “Raja i do arop ni roha ni Israel, ulang jabat magoan hami di raja i,” ning halahi.

JOB 31:31

Diboto angka halak na markarejo tu au do, hutamu do di bagasku sanga ise sajo.

JEREMIA 40:8

Jadi kehe ma si Ismael anak ni si Netanya, si Johanan anak ni si Kareah, si Seraya anak ni si Tanhumet, dohot angka anak ni si Efai na sian Netofa, dohot si Jesanya na sian Maaka kehe rap dohot angka halakna be mandapotkon si Gedalya di Mispa.

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JOHANNES 11:50

Na so diboto hamu do? Gumonanan do mate sada halak humopkop na bahat ulang pado sudena bangso on mago?”

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 26:8

Dung i didok si Abisai ma tu si Daud, “Madung dipasahat Debata di borngin on musumu tu ho. Paloas ma hupantikkon ia tu tano i dohot tombaknia i sandiri, anso hupangabis ia santiham hubaen, nada pola jabat dua noli baenonku!”