JEREMIA 40:10 - BIBEL JAMITA NA DENGGAN

¹⁰ Au sandiri maringanan di Mispa do, jana au ma da mangwakili hamu muda pala sai ro angka halak Babel i tuson. Tola do hamu palagutkon dohot manyimpan anggur, buah-buahan dohot miak zetun, dohot maringanan di angka kota siingananmunu.”

JEREMIA 40:10 ပူးပေါင်းရင်းမြစ်များ

2 SAMUEL 16:1

Hum salpu si Daud manganangkohi ambubu ni tor i, ompot ma ro si Ziba, pangoloi ni si Mefiboset i mandapotkon ia maroban sapasang halode na dibobani dohot roti dua ratus kamata, saratus ranting anggur na mahiang, saratus holting angka parbatu na rata dohot sakantongan aek ni anggur.

1 RAJA-RAJA 10:8

Mogana i antong sudena angka dadaboru ni tuan i! Jana maruntung ma angka pagawe na tongtong di lambung ni tuan i, gabe tarbaen halahi dohot umbege angka poda habisuhon sian tuan i sandiri!

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

PODA 27:25

Disabi do ruput na di ladang dohot na di dolok jana dipalagut baen di pahan-pahanan. Manigor do tubu ruput na imbaru.

JESAYA 16:9

Saonnari manangisi bona ni anggur Sibma noma au songon na manangisi Jaeser. Marilu-ilu au baen di Hesbon dohot di Eleale, dibaen nada adong panen hara ni porang.

JEREMIA 35:19

Jadi hara ni i, Au Tuhan Na Markuaso, Debata ni Israel, marjanji Au bahaso sian pomparan ni si Jonadab anak ni si Rekhab, angkon sai adong do halaklahi na mangoloi Au salolotna.”

JEREMIA 39:10

Deba sian rayat i angka na umpogos na so marsinadongan ditadingkon ia ma i di Juda, dilehen ia kobun anggur dohot ladang.

JEREMIA 40:12

Jadi ditadingkon halahi be ma angka inganan parserahan ni halahi, kehe ma halahi tu Juda. Didapotkon halahi ma si Gedalya di Mispa, jana dipalagut halahi ma anggur dohot buah-buahan bahat sajo.

JEREMIA 40:6

Kehe ma au tu si Gedalya di Mispa jana maringanan ma au disi rap dohot ia di tonga-tonga ni rayat na ditadingkon i di tano Juda.

JEREMIA 43:5

Dioban si Johanan dohot angka parpangkat i ma sude tu Mesir sandok halak na adong di Juda, songon i muse dohot halak na dung marmulahan sian luat na asing inganan parserahan ni halahi.

JEREMIA 48:32

Tangisanku ma lumobi halak na di Sibma, umpado halak Jaeser. Tudos do kota Sibma tu suan-suanan anggur na manjurur dangkana lalu tu ipar ni Laut Hamatean lalu tu Jaeser. Hape anggo saonnari madung diradas angka parbatu na musim di logo ni ari dohot batu ni anggurna pe madung dirurus.

MIKA 7:1

Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

PANGARATAION 1:38

Tapi patogu ma roha ni pangurupimu si Josua anak ni si Nun i. Harana ia noma na sahat tusi jana na giot mamimpin Israel mambuat tano i.’

PANGARATAION 16:13

“Dung sidung sude diduda gandummunu i, jana batu ni anggurmunu abis diporo, pestahononmunu do Pesta Undung-undung Bulung Rata pitu ari honokna.