JEREMIA 4:9 - BIBEL JAMITA NA DENGGAN

⁹ Didok Tuhan, “Anggo di ari i mandele ma angka raja dohot angka halak na marpangkat. Tarsonggot ma angka malim jana longang ma angka panurirang.”

JEREMIA 4:9 ပူးပေါင်းရင်းမြစ်များ

2 RAJA-RAJA 25:4

Laing di hatiha i muse ma ditapor musu tembok ni kota i. Borngin i, haru pe na hona hobuk kota i, maporus ma raja i dohot tentara ni Juda sude kehe tu Rura ni Jordan. Mamolus sian dalan na manyalpui kobun bagas godang i ma halahi, lalu ruar sian horbangan na padomuhon tembok na dua na disi.

MASMUR 102:4

Hona pukul ate-atengku songon duhut na hiang, nada lalu au be mangan.

JESAYA 19:16

Dapot do hatiha ni i, gabe songon dadaboru parila jana parmombut bangso Mesir. Mabiar noma halahi muda diidasa Tuhan Na Markuaso i mangambalkon tanganNa laho manguhumi halahi.

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

JESAYA 28:19

Dondonan ni siluluton noma hamu mardapot-dapot ganop ari; angkon taononmunu noma i manyogot, arian dohot borngin. Mur jorbut ma pangkilalaanmu muda mur diingot ho hata i.

JEREMIA 2:26

Didok Tuhan, “Songon ila ni roha ni panangko di na tartangkup, songon i ma hamu sude maila, ale halak Israel, angka raja maradu angka na marpangkat, angka malim maradu angka panurirangmu!

JEREMIA 25:34

Hamu angka pamimpin, dohot angka parmahan ni bangso ni Tuhan! Pagogo hamu ma partangismunu! Margiling-giling ma hamu di abu, dibaen madung dapot hatihana bunuon hamu; sambolon ma hamu songon biri-biri na dibante.

JEREMIA 37:19

Di dia dehe angka panurirang ni raja i na mandok na so ro raja ni Babel manyerang raja i dohot luat on?

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEREMIA 52:7

Dirorak musu i ma tembok ni kota i. Di borngin i, haru pe laing dihobuk halak Babel kota i, marsilojongkon dirina ma angka tentara ni Juda sabola tu Rura Jordan. Mamolus sian kobun ni bagas godang ma halahi, luncat sian horbangan na padomuhon tembok na dua i di inganan i.

BAENON NI ANGKA RASUL 13:41

‘Tangkas ma parrohahon hamu, ale angka pangincahi! Homang ma rohamunu, lopus mate! Angke Hubaen do di hatiha on pangalaho na so tarhaporsayai hamu sandiri, haru pe adong halak na patorangkonsa tu hamu.’ ”