JEREMIA 4:8 - BIBEL JAMITA NA DENGGAN

⁸ Antong hara ni i, tangis jana mangandungi ma hamu, pake hamu ma abit goni tanda ni arsakmunu. Angke nada sumurut dope sian Juda muruk ni Tuhan na marnyala-nyala.

JEREMIA 4:8 ပူးပေါင်းရင်းမြစ်များ

MASMUR 78:49

Saluhutan surusuruan parohon bala! RimasNia na jorbut mambaen halahi putus asa.

JESAYA 10:4

Mate di bagasan porang sajo ma bagianmunu, sanga disarat-sarat songon halak na tartaban. Tapi laing na muruk dope Tuhan jana sai giot manguhumi.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 9:12

Rampason ni bangso Siria na sian Habincaran dohot bangso Pilistin di Hasundutan ma Israel. Tapi laing muruk dope anggo Tuhan jana sai giot manguhumi.

JESAYA 9:17

Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JEREMIA 25:34

Hamu angka pamimpin, dohot angka parmahan ni bangso ni Tuhan! Pagogo hamu ma partangismunu! Margiling-giling ma hamu di abu, dibaen madung dapot hatihana bunuon hamu; sambolon ma hamu songon biri-biri na dibante.

JEREMIA 48:20

Alusan ni halahi ma, ‘Madung madabu Moab jana gabe marlayas, hara ni i tangisi hamu ma da ia. Pabotohon ma sapanjang Batang aek Arnon paboa na dung maropuk Moab.’ ”

JEREMIA 6:26

Didok Tuhan ma tu bangsoNia, “Pake hamu ma abit goni jana margiling-giling ma hamu di abuan i. Marsiluluton jana mangandungi ma hamu di bagasan pangkilalaan na dangol songon halak na mangandungi anakna sisada-sada na mate, angke ompot noma hamu roroon ni hamamago.”

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

JEHESKIEL 21:12

Mangandung ma ho, ale jolma parsantongkinan, mangarar ma ho jana pio-pio! Angke madung hobas podang i mangalo bangsongKu. Angka pamimpin ni Israel rap dohot bangso i sudena tihamon ni podang i ma lopus marmatean. Jadi tompuk ma andoramu hara ni dangolna,

JEHESKIEL 30:2

“Ale anak ni jolma, manyurirangi ma ho jana dokkon ma, “Songon on ma hata ni Tuhan Debata, mangandung ma ho: I ale! Madung ro arina.

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

MIKA 1:16

Hamu ale halak Juda, gusting hamu ma obukmunu tanda ni siluluton hara ni angka dakdanak haholongan ni rohami. Gusting obukmi lopus gundul songon unggas sipangan bangke, angke obanon noma angka dakdanakmu tu habuangan.

BILANGAN 25:4

didok ma tu si Musa, “Palagut ma sude pamimpin ni Israel, dung i bunu ma halahi di jolo ni halak na bahat i gabe hatutulus ni parentangKu, anso mintop murukKu tu bangso on.”