JEREMIA 4:31 - BIBEL JAMITA NA DENGGAN

³¹ Tarbege do tu au sora ni angguk-angguk songon sora ni ina na giot tubu-tubuan; songon dadaboru parsaurangan na manubuhon dakdanakna, songon i ma sora ni boru Sion mongkik-ongkik. Gapa-gapa tanganna i jana sai humolos-holos ia, “Marjaya ma au on – hona bunu au dibaen musu!”

JEREMIA 4:31 ပူးပေါင်းရင်းမြစ်များ

PAMUNGKAAN 27:46

Jadi didok si Ribka ma tu si Ishak, “Loja do da au paida-ida angka ripe ni si Esau na sian boru ni bangso na asing i. Anggo dohot noma si Jakob muse mambuat boru ni halak Het, gumonan noma da mate iba.”

JOB 10:1

Loja au jana magigi paida-ida ngolungku. Gabe huusehon na paet di rohangku.

MASMUR 120:5

Marjaya ma au on hara ni na rap au dohot hamu; nada imbarna songon na maringanan di Mesek, sanga di tonga-tonga ni halak Kedar.

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

JESAYA 13:8

Didondoni biar ma halahi sudena jana marngeati hancitan, songon ina na manubuhon dakdanak. Marsiligi-ligian ma halahi sak be rohana, marrarai bohina i hara ni ilana.

JESAYA 21:3

Patunda ni parnidaan i gabe mabiar jana hancitan ma au songon dadaboru na topet manubuhon dakdanak.

JESAYA 26:17

Songon dadaboru na giot tubu-tubuan marngeati jana marsurak dibaen hancitan, songon i hian ma hami di adopanMu, ale Tuhan.

JESAYA 42:14

“Honok ma tutu sai mangkohom Au, lolot ma na so Hualusi bangsongKu. Tapi saonnari dapot hatihana baenon tindakan, mangarar ma Au songon dadaboru na giot tubu-tubuan.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JEREMIA 10:19

Mangangguk ma halak Jerusalem, “Banga do bugangnami jana nada be tarpamalum. Najolo hami ambang do tartaon hami parkancitan on, hape aha soada.

JEREMIA 13:21

Giot aha ma he dokkononmu anggo angka jolma na nietong ni rohamunu angka donganmunu, hape manaluhon dohot mangarajai hamu? Musti hancitan hamu songon dadaboru na giot manubuhon dakdanak.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 22:23

Sonang hamu tinggal dihaliangi angka tiang sampinur Libanon, tapi sanoli on muda ro na hancit tu hamu, mangae ma hamu songon ina na manubuhon dakdanak.”

JEREMIA 30:6

Uji hamu ma jolo mamikiri dohot pamanatkon! Tarbaen ma he halaklahi manubuhon dakdanak? Antong anggo songon i, biasi Huida ganop halaklahi marbohi na langan boti jana maniop butuhana dohot tanganna songon dadaboru na giot manubuhon anakna?

JEREMIA 45:2

hata ni Tuhan, Debata ni Israel. Didok Tuhan, “O Barukh,

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEREMIA 49:22

Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”

JEREMIA 49:24

Gabe gale halak na maringanan di Damaskus jana marlojongi hara ni biarna. Hancitan halahi jana mardangol songon dadaboru na giot hipas.

JEREMIA 50:43

Umbege barita i raja Babel gabe manggalei. Didondoni biar ma ia, jana markancit, songon dadaboru na giot di api.

JEREMIA 6:2

Sarupo dehe lakna boru Sion songon padang na di hajopkon ni roha,

ANDUNG 1:17

Diangkat Sion do tanganna mangido pangurupion, hape nada adong na mangalehen pangapoion. Sian sasudena do musu ditongos Tuhan; mamorangi Jerusalem do halahi marroan. Songon rompak do Jerusalem dibaen halahi, songon barang na busuk di tonga-tonga ni halahi.

ANDUNG 1:20

O ale Tuhan! Parrohahon ma au, sak do rohangku jana mabiar; magopu hara ni dosangku. Di angka dalan masa mamunu jolma di bagasan bagas, jolma marmatean muse ma.

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

HOSEA 13:13

Adong dope hatiha na denggan di Israel laho mangolu nian, tapi songon i ma antong otona gabe nada diparhasaya ari-ari i. Songon dakdanak na giot sorang do ia, tapi nada ra ia haruar sian bortian ni inangna.

MIKA 4:10

Ale halak Jerusalem, marngeat jana mangangguhi ma hamu songon ina na tubu-tubuan! Harana, angkon tadingkononmunu noma kota saonnari jana maringanan di padang-padang noma hamu. Angkon kehe ma hamu tu Babel, tapi paluaon ni Tuhan do hamu disi sian angka musumunu.

MIKA 4:9

Biasi mangangguhi ho tangis? Biasi marnyae ho songon ina na giot hipas? Adong he hara ni na so adong rajamunu jana marmatean angka panuturimu?

MIKA 7:1

Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon.

MATEUS 21:5

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

1 KORINTUS 9:16

Angke, sugari hum hara ni na manjamitahon Jamita Na Denggan na sian Debata i sajo do, nada tola au pagodang diri, harana karejongku do i. Marjaya do au muda nada hujamitahon Jamita Na Denggan i!

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.