JEREMIA 4:19 - BIBEL JAMITA NA DENGGAN

¹⁹ Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

JEREMIA 4:19 ပူးပေါင်းရင်းမြစ်များ

PAMUNGKAAN 49:6

Nada parsidohot au di pokat ni halahi. Angke mamunu do halahi di hatiha ro rimas ni halahi. Diloncingi halahi do lombu palalu-lalu tagas.

2 RAJA-RAJA 4:19

Jadi ompot ma marsurak dakdanak i tu amangna, “Amang! Hancit ulungku!” ning ia. “Oban jolo dakdanak on tu inangna,” ning amangna i mandok sada pangurupi.

2 RAJA-RAJA 8:11

Dung i tajom ma panaili ni si Elisa tu si Hasael, jabat songon na susa dihilala si Hasael. Ompot ma tangis si Elisa.

MASMUR 103:1

Puji ma Tuhan, ale tondingku jana sude rohangku mamuji goarNa na badia i.

MASMUR 116:7

Sonang ma ho, ale rohangku, angke burju do Tuhan tu au.

MASMUR 119:136

Mabaor ilungku songon batang aek, hara ni TonaMu na so dipatulus.

MASMUR 119:53

Muda huida halak na jahat mangalanggar TonaMu, marsigorgor ma muruk ni rohangku.

MASMUR 146:1

Puji ma Tuhan! Ale tondingku, puji ma Tuhan!

MASMUR 16:2

Ningku, “Ho do Tuhanku, sude na denggan hujagit sian tanganMu!”

JESAYA 15:5

Ibo do rohangKu mida Moab! Mangungsi noma halak kota i tu Zoar dohot tu Eglat Selisia. Adong ma deba na manangkok di dalan na tu Luhit laing tumatangis; adong na marlojong tu Horonaim laing gogo mangangguhi.

JESAYA 16:11

Hara ni arsakku hutangisi do Moab, jana huarsakkon do Kir-Heres.

JESAYA 21:3

Patunda ni parnidaan i gabe mabiar jana hancitan ma au songon dadaboru na topet manubuhon dakdanak.

JESAYA 21:4

Hancit sajo simajujungku jana gok biar ma au. Dipangido rohangku ma anso humipas borngin, hapengani mur tamba dope biarku disi.

JESAYA 22:4

Jadi gabe hudok ma, “Padao ma panailimu sian au. Tadingkon ma sasada au mangandungi di bagasan hapaeton, ulang be sai apoi au hara ni hamamago ni boru ni bangsongku.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 20:9

Tapi muda hudok di bagasan rohangku “Halupahon ma Ia, nada ra be au mangkuling mangasahon goarNia,” jadi gabe songon api ma tonaMi manggara-gara di ate-atengki. Huuji do nian manahansa hape nada tolap iba.

JEREMIA 23:9

On ma tonangku taringot tu angka panurirang: Magopu ate-atengku jana humitir au, hara ni Tuhan dohot hataNa na badia i mambaen au gabe songon halak na mabuk na minum anggur mabahattu.

JEREMIA 4:21

Sadia honok nari paida-idaonku angka mandera ni porang i, dohot sora ni angka sarune?

JEREMIA 4:5

Palu hamu ma sarune di sude luat on! Tangkas ma marsurak jana marsora na gogo. Suru hamu ma halak Juda dohot Jerusalem marlojong tu angka kota na marbenteng.

JEREMIA 49:2

Tapi dapot do i hatihana baenonKu halak na mangingani Raba, kota sabungan ni Luat Amon i, umbege surak-surak ni parporangan. Gabe tading sego-segona noma kota i jana angka huta pagaran na humaliang i pe abis masurbu. Dung i buaton ni halak Israel ma mangulahi tanona i sian angka jolma na mangarampassa na salpu i.

JEREMIA 50:22

Gumadobur ma sora ni parporangan di luat i, jana masa ma hasegoan na godang.

JEREMIA 6:24

Umbege barita i, gabe gale ma halak Jerusalem. Didondoni biar ma halahi jana mangae songon ina na giot tubu-tubuan.

JEREMIA 8:18

Mabugang ate-atengku jana maniak, nada haubatan pardangolanniba.

JEREMIA 8:21

Magopu rohangku hara ni hancit ni nyae ni bangsongku, marsak jana mandele rohangku.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JEREMIA 9:10

Au si Jeremia, hudok ma, “Tangis ma au jana marsak hara ni padang dohot angka dolok na dung mahiang mangkarogang boti nada dibolus-bolus halak. Nada habegean be sora ni pahan-pahanan, marlojongi sude unggas dohot sude pahan-pahanan.”

ANDUNG 1:16

Patunda ni i ma da maraburan iluniba, nada adong na mangalehen gogo dohot pangapoi ni roha. Mago ma sude na adong di bangso i, angke gumodang antong kuaso ni musui.

ANDUNG 1:20

O ale Tuhan! Parrohahon ma au, sak do rohangku jana mabiar; magopu hara ni dosangku. Di angka dalan masa mamunu jolma di bagasan bagas, jolma marmatean muse ma.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 7:15

Longang rohangku jana marsak hara ni angka parnidaan na huida i.

DANIEL 7:28

Olat ni i ma barita i. Ia au, si Daniel, susa sajo do au hara ni i; jana husimpan do i sude di bagasan rohangku.

DANIEL 8:27

Dung i gale ma hulala lalu marnyae ma au adong piga-piga ari. Dung i jongjong ma au jana hukarejohon angka karejongku di raja i. Tapi sai susa do rohangku mamikirkon angka parnidaan i jana nada tarastui au.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

BILANGAN 10:9

Muda dompak marporang hamu di luatmunu laho mampartahankon diri hara ni haroro ni musu, palu ma sarune i paboa marporang. Angke Au do Tuhan Debatamu na mangurupi jana palua hamu sian musumunu.

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

1 KORINTUS 14:8

Tudosan na asing sada nari: Muda sarat na dipalu do sarune, ise ma na ra markobas kehe laho marporang?

GALATIA 4:19

Angka dakdanakku na huhaholongi! Saonnari mangulahi do au markancit hara ni hamu. Songon sada ina na manaon na hancit di na laho manubuhon dakdanakna do huhilala saonnari. Angkon laing i do hilalaonku salolot so marrupa dope angka bako ni Kristus di bagasan dirimunu.

HAKIM-HAKIM 5:21

Mangalantap Batang aek Kison mangayup musu, maju, torus ma manggogo maju, ale tondingku.