JEREMIA 4:11 - BIBEL JAMITA NA DENGGAN

¹¹ Di hatihana i dohonon ma tu bangso on dohot tu rayat ni Jerusalem: “Mangombus ma alogo na milas sian angka tor, na harsang di padang halongonan tu angka boru ni bangsongKu; nada na giot mamurpur sanga na paiaskon.”

JEREMIA 4:11 ပူးပေါင်းရင်းမြစ်များ

MASMUR 11:6

Tu halak na jahat diparo do udan api dohot barerang, diuhum Ia halahi dohot haba-haba na manutung lopus marragean.

JESAYA 22:4

Jadi gabe hudok ma, “Padao ma panailimu sian au. Tadingkon ma sasada au mangandungi di bagasan hapaeton, ulang be sai apoi au hara ni hamamago ni boru ni bangsongku.

JESAYA 27:8

Hona taban do uhuman ni bangsoNia. Dipaorot Ia halahi marhite halingsungsung na ro sian Habincaran.

JESAYA 41:16

Piaranmu ma halahi, lalu kehe habang diombus alogo i; baenon ni bade pe abis ma marserak halahi, hape ho sandiri marsurahi di bagasan Tuhan. Marjop ni roha ma ho, patunda ni Au Debata, di Au, Na Badia ni Israel ho marmoga-moga.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

JEREMIA 13:24

SarsarkononKu ma hamu songon lapung na niombus ni alogo sian padang halongonan.

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 23:19

Ligima, alogo na gogo ni Tuhan, i ma haririmas ni muruk, na mangalapat jana na mijur tu ulu ni halak parjahat.

JEREMIA 4:12

Tapi alogo na gogo na ro sian parentangKu do i, Au sandiri do saonnari na mandabu uhum tu halahi.

JEREMIA 8:19

Tangihon! Marsaringar sude luat on parngiar ni bangsongku na tangis manyapai, “Na so di Sion be ulaning Tuhan i? Di dia do ulaning Rajana i saonnari?” Dialusi Tuhan, Raja ni halahi, “Biasi marsomba ho tu angka debata na so adong sanga aha gunana? Biasi dipahancit ho rohangKu marhite na marsomba angka gana-ganaan?”

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

JEREMIA 9:7

Jadi patunda ni i didok Tuhan Na Markuaso i ma, “UjionKu ma bangsongKi anso gabe pita halahi. Angke aha dope na bolas baenonKu maradopkon bangsongKu?

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

ANDUNG 3:48

Mabakbak ilu ni matangku, hara ni na hona hasegoan bangsongku.

ANDUNG 4:10

Jorbut ma da parmaraan i na mandondoni bangsongki; salang angka ina parroha na lambok dilompa ia noma anakna sandiri baen pangisi ni butuhana.

ANDUNG 4:3

Salang induk ni sorigala, dipasusu do anakna, hape anggo bangsongku na kejam do tudos songon pambaen ni unggas unto di halongonan.

ANDUNG 4:6

Hona uhum bangsongku, umborat sian tu halak Sodom na salpu di bagasan sangkidop mata manigor maropuk dibaen tangan ni Debata.

JEHESKIEL 17:10

Madung nian togu panyuanna, tapi tarbaen ma he torus tubu anggur i jana manjarampak? Nada he malos i muda dung mangombus alogo sian Habincaran? Nada he malos di inganan panyuananna i do anggur i?”

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

HOSEA 13:15

Haru pe sonang Israel songon duhut na napu, laing suruonKu ma alogo Habincaran na milas i sian padang parhorsihan. Mahiang ma baenon ni alogo i sude mual ni aek dohot angka sumur bage, gabe mago ma sudena na mararga.

HOSEA 13:3

Jadi hara ni i angkon mago ma angka jolma i songon nambur jana songon ombun manyogot. Songon durame di pardegean ma halahi na niombus ni alogo jana songon timus na ruar sian tataring.

HOSEA 4:19

Jadi gabe mago ma halahi songon na niombus ni alogo. Maila ma halahi hara ni angka haul na nihaulkon ni halahi tu angka debata.

HABAKUK 1:11

Dung i songon hipas ni alogo markehean ma angka jolma i na mardebatahon hagogoonna sandiri.”

HABAKUK 1:6

Angke satutuna Au do pabangkitkon halak Kasdim, bangso na barani dohot na lingkas, na margogo di sandok tano on laho manyoluk angka inganan na so nampuna ni halahi dope.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

LUKAS 3:17

Madung rade Ia mamiari, laho paiaskon eme sian lapung. PalagutonNia ma eme tu talobat, tapi anggo lapungNa i tutungonNia ma tu api na so ra mintop!”