JEREMIA 4:10 - BIBEL JAMITA NA DENGGAN

¹⁰ Jadi hudok ma, “Tuhan Debata, madung dipaoto-oto Ho halak Jerusalem! Ho do mandok na giot adong ma dame, hape saonnari diondam podang do hosanami.”

JEREMIA 4:10 ပူးပေါင်းရင်းမြစ်များ

HARURUAR 5:22

Dung i kehe ma si Musa manopot Tuhan jana ning ia ma, “Tuhan, biasi he dibaen Ho hamamago tu bangso on? Biasi disuru Ho au tuson?

HARURUAR 9:14

Anggo on, nada hum menterimu dohot rayatmu na giot uhumonKu, tapi ho sandiri pe angkon hona, anso diboto hamu na so adong na dos dohot Au di portibi on.

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

JESAYA 37:35

Hubela jana Huondingi do kota Jerusalem, hara ni hasangapanKu sandiri dohot hara ni parjanjianKu dohot naposongKu si Daud.’ ”

JESAYA 63:17

Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.

JEREMIA 1:6

Hualusi ma, “O Tuhan Debata, nada malo au manghobari angke maposotu dope au.”

JEREMIA 23:17

Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEREMIA 4:18

O Juda, na nialapanmu sandiri do hamagoan i tu ho. Parngoluonmu dohot angka parangemu do mambaen sude pardangolan i manyusuk tu ate-atemu.

JEREMIA 5:12

Madung mangalo bangso ni Tuhan maradopkon Tuhan i. Didok halahi, “Tole ma da, nada pola baenonNia bagi aha. Nada pola hona parmaraan hita jana nada pola songgop tu hita porang sanga haleon.

JEREMIA 6:14

Diubati halahi do bugang ni bangsongKu, tapi layas do halahi marnidasa, jana ninna do: ‘Hasonangan, hasonangan!’ Tapi nada adong hasonangan.

JEREMIA 8:11

Marlayas ni roha do halahi hatiha mangubati bugang ni boru ni bangsongKu, ning halahi, ‘Hasonangan, hasonangan!’ Tapi nada adong hasonangan.

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

JEHESKIEL 11:13

Taran na mandok hata i au, ompot ma si Pelaca madabu lalu mate. Jadi manungkap ma au jana pio-pio, “Iale, Tuhan Debata! Na giot bunuonmu dehe sude Israel na teba on?”

SURAT NI SI PAULUS TU PARLAGUTAN ROM 1:24

Jadi gabe dipadiar Debata noma halahi dirajai hagiot ni roha ni halahi laho mambaen na jat, gabe dipambaeni halahi ma angka pangalaho na pabilehon pamatang ni halahi sama halahi.

SURAT NI SI PAULUS TU PARLAGUTAN ROM 1:26

Jadi hara ni na songon i dibaen jolma i, gabe dipadiar Debata noma halahi mangihutkon hagiot na pailahon i. Angka dadaboru nada markagiot be di halaklahi songon na somal di hajolmaon; tu donganna dadaboru noma dihagioti rohana.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.