JEREMIA 4:1 - BIBEL JAMITA NA DENGGAN

¹ Didok Tuhan, “O halak Israel, muda ra hamu mulak mangulahi, antong mulak ma hamu. Jolo parambungkon hamu ma angka gana-ganaan na Huhagigihon i, jana setia ma hamu tu Au,

JEREMIA 4:1 ပူးပေါင်းရင်းမြစ်များ

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

2 RAJA-RAJA 23:13

Songon i muse angka langgatan na di Habincaran ni Jerusalem, di Selatan ni Dolok Hajahatan, dipahodar; Raja Salomo do na pajongjongkon angka langgatan i laho marsomba tu angka debata sihagigian, i ma Astoret debata boru-boru ni halak Sidon, Kamos debata ni halak Moab dohot Milkom debata ni halak Amon.

2 RAJA-RAJA 23:24

Laho patuluskon angka tona na tarsurat di buku na dapot ni Malim Godang Hilkia di Bagas Ni Debata i, dipaorot Raja Josia ma sian Jerusalem dohot sude Juda sanga ise na marpio sumangot dohot partondung, jana diambungkon sude debata ni rumahtangga, gana-ganaan dohot barang-barang na nipake laho mamele angka debata.

2 JUJUR TAON 15:8

Di na nibege ni si Asa pandohan ni si Asarya anak ni si Oded i, gurgur ma semangatnia. Dipaorot ia ma sude gana-ganaan na di tano Juda dohot Benyamin, dohot na di angka kota na nitaluhonnia di partoran Efraim. Jana dipadenggan ia ma langgatan ni Tuhan na di alaman ni Bagas Ni Tuhan i.

2 JUJUR TAON 33:8

Muda burju do bangso Israel mangoloi sude parentangKu jana diihutkon angka uhum na nilehen ni si Musa naposongKu tu halahi, jadi gabe nada padiaronKu halahi paoroton sian tano na dung Hulehen i tu angka ompu ni halahi.”

2 JUJUR TAON 34:33

Dironcohon Raja Josia ma sudena angka gana-ganaan sihagigian na adong di angka inganan na masuk tu luat ni halak Israel. Disuru ia ma rayatnia i maribadat tu Tuhan, Debata ni ompu ni halahi. Jadi salolot di ngolu ni si Josia, sai tongtong do setia rayat i tu Tuhan.

JESAYA 31:6

“Hamu bangso Israel! Madung mardosa hamu jana mangalo hamu tuSia. Tapi saonnari, mulak ma hamu!

JEREMIA 15:19

Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.

JEREMIA 15:4

BaenonKu ma manyikur sandok bangso na di tano on marnida halahi. Patunda ni parbuatan ni si Manase anak ni si Hiskia ma Hubaen sudena i, i ma pangalahonia di Jerusalem dompak na gabe raja ia di Juda.”

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JEREMIA 25:5

Disuru halahi do hamu manadingkon parngoluonmunu na jahat i dohot angka parbuatanmunu na gok dosa i anso tarbaen hamu hot maringanan di tano pusako na nilehen ni Tuhan tu hamu dohot tu angka ompumunu songon tano pusako.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 3:12

Disuru Tuhan ma au kehe tu Israel lalu mandok songon on, “O ale Israel na so setia, mulak ma ho tu Au! Gok ibo ni roha do Au jana nada sapanjangna Au muruk tu ho.

JEREMIA 3:14

“O hamu bangso na so setia, mulak ma hamu tu Au! Au do nampuna hamu. BuatonKu noma hamu, sahalak sian ganop kota, dua halak sian ganop partubu, jana obanonKu hamu mangulahi tu Dolok Sion.

JEREMIA 3:22

O hamu sude na manadingkon Tuhan, mulak ma hamu! PamalumonNia ma hamu, jana baenonNia ma hamu setia. Didok hamu, “Olo da, saonnari ma hami ro tu Tuhan, angke Ia do antong Debatanami.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JEREMIA 7:3

Songon on do hata ni Tuhan Na Markuaso i, Debata ni Israel, ‘Pauba ma pangalahomu dohot pambaenanmu anso ra Au maringanan di inganan on rap dohot hamu.’

JEREMIA 7:5

Pauba hamu ma ngolu dohot pangalahomunu. Baen hamu ma na tigor na sada tu na asing.

JEREMIA 7:7

Muda songon i, ra ma Au maringanan rap dohot hamu di inganan on, di tano na Hulehen tu ompungmunu sian na jolo lopus tu salolot-lolotna, luat na dung Hulehen gabe tano pusako di ompungmunu.

JEHESKIEL 11:18

Muda mulak halahi, ambungkonon ni halahi noma sude gana-ganaan sihagigian dohot na jorbut i na nidapot ni halahi.

JEHESKIEL 18:13

Painjamkon pe ia angkon marbunga. Mangolu ma he giot ni jolma na songon i? Nada! Dibaen ia do sude parbuatan hagigian i, jana na giot mate do i! Jana parbuatanna sandiri do mambaen hamateannia.

JEHESKIEL 43:9

Tapi mamungka saonnari angkon antahon ni halahi noma manyomba gana-ganaan dohot na paimbarkon saring-saring ni angka raja ni halahi. Dung i maringanan ma Au di tonga-tonga ni halahi salolot-lolotna.”

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

HOSEA 2:2

Didok Tuhan ma, “Paboa ma tu inangmu, paboa ma, angke nada dadaborungKu be ia, jana nada halaklahinia be Au; padiar ma dipadao parhamainanna sian bohina, dohot parkarosuan sian adopna.

HOSEA 7:16

Laing dipupu halahi do mangihutkon angka debata na soada gogona i. Nada tarpangasahon halahi tudos tu sior na hendur. Angka pamimpin ni halahi mangkatai maradu bulbul, jadi mate hona bunu do halahi, kejam pambaenna jana partataan ni angka halak Mesir.”

JOEL 2:12

Didok Tuhan ma, “Tapi anggo saonnari, sian sandok roha mulak ma tu Au mangulahi, lalu puaso, tangis jana marsak.

ZAKARIA 1:4

Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

PANGARATAION 27:15

Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 4:30

Muda di bagasan hasusaan hamu, jana timpal sude parmaraan i tu dirimunu, gabe mulak tu Tuhan ma hamu ujungna jana oloanmunu ma Ia.

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

HAKIM-HAKIM 10:16

Dung i diparambungkoni halahi ma sude patung sombaon, lalu marsomba halahi tu Debata. Jadi gabe ibo ma roha ni Debata paida-ida halahi na di hasompitan i.

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”