JEREMIA 39:5 - BIBEL JAMITA NA DENGGAN

⁵ Tapi diayak tentara Babel i ma halahi jana ditangkup ma si Zedekia di napa ni Jeriko. Dung i dioban ma ia tu Raja Nebukadnesar di kota Ribla na di tano Hamat, lalu diuhum mate ma ia.

JEREMIA 39:5 ပူးပေါင်းရင်းမြစ်များ

2 SAMUEL 8:9

Tarbege ma tu Raja Toi na sian Hamat na dung talu sude tentara ni si Hadadeser dibaen si Daud.

2 RAJA-RAJA 17:24

Laho manggonti halak Israel na dioban tu habuangan i, dibaen raja Asur ma di angka kota ni Samaria halak Babel, Kuta, Awa, Hamat dohot halak Sefarwaim. Dibuat halahi ma angka kota i jana maringanan ma halahi disi.

2 RAJA-RAJA 23:33

Marujung ma pangarajaion ni si Joahas di na tartangkup ia dibaen si Neko raja ni Mesir di Ribla na di Luat Hamat, jana dipaksa ia ma Juda manggarar pajak tusia 3.400 kilo perak dohot sere tolu pulu opat kilo.

2 RAJA-RAJA 25:6

Dung i dioban ma Raja Zedekia tu Raja Nebukadnesar di kota Ribla, didabu ma uhuman tusia.

2 JUJUR TAON 33:11

Jadi diparo Tuhan ma angka panglima ni tentara Asur laho mangarampas Juda. Ditangkup ma si Manase dohot hait, dirante lalu dioban tu Babel.

JESAYA 22:3

Na maporus do sude angka panglimamunu jana hona tangkup dompak so sanga dope ditembakkon halahi hum sada anak ni pana pe. Songon i dohot tentara na jago.

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 24:8

Tapi anggo si Zedekia raja ni Juda dohot angka bagian na mora-mora na rap dohot ia, dohot halak Jerusalem na teba na maringanan hot di luat on dohot na bungkas tu Mesir, baenonKu ma halahi songon batu ni ara na busuk-busuk on, na so tarpangan be. Au Tuhan madung mandok songon i.

JEREMIA 38:18

Tapi muda nada ra ho manyora, madabu ma kota on tu tangan ni halak Babel; surbuon ni halahi ma kota on lopus abis, jana ho pe nada tarbaen malua.”

JEREMIA 38:23

Hudok ma mangulahi, “Sude isi ni bagas ni raja i obanon ni halak Babel ma haruar. Raja i sandiri pe nada malua. Tangkupon ni raja Babel ma raja i jana kota on surbuonna ma sude.”

JEREMIA 4:12

Tapi alogo na gogo na ro sian parentangKu do i, Au sandiri do saonnari na mandabu uhum tu halahi.

JEREMIA 44:30

Hupasahat ma si Hofra raja ni Mesir i tu angka musu na sai giot mamatehon ia, songon si Zedekia raja ni Juda i na Hupasahat tu si Nebukadnesar raja ni Babel i, musuna i na sai giot mamatehon ia.”

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

JEHESKIEL 23:24

Hobukon ni halahi ma ho sian Utara dohot tentara na bahat, dohot angka kareta porang dohot angka kareta na maroban bohal. Hobukon ni halahi ma ho, marhite parlindungan ni parince dohot angka kupia baja. PadiaronKu do halahi manguhumi ho mangihutkon angka aturan ni halahi sandiri.

HABAKUK 1:7

Jorbut jana sihabiaran do bangso i, hasintongan dohot habonggalon ia do na manontuhon.

BILANGAN 13:21

Dung i kehe ma halahi adop Utara paresohon luat i mamungka sian Parhorsihan Zin di Selatan torus tu Rehob donok tu Dalan Hamat di sabola Utara.

JOSUA 13:5

mangihut muse tano ni bangso Gebal dohot sude luat ni Libanon sabola Habincaran, sian Baal-Gad na di Selatan ni Dolok Hermon lopus tu dalan laho tu Hamat.

JOSUA 4:13

Hira-hira opat pulu ribu halak ma na taripar lalu tu napa ni Jeriko giot marporang di jolo ni Tuhan.

JOSUA 5:10

Taran na marbandar di Gilgal di napa na di lambung Jeriko, dipestahon halak Israel ma Paskah di borngin ni tanggal opat bolas di bulan i.

HAKIM-HAKIM 3:3

On ma angka bangso na laing maringan di luat i: Bangso na laing maringanan di kota ni Pilistin na lima i, sude bangso Kanaan, bangso Sidon dohot bangso Hewi na maringanan di partoran Libanon, mamungka sian Dolok Baal Hermon, lopus tu dalan laho tu Hamat.