JEREMIA 39:4 - BIBEL JAMITA NA DENGGAN

⁴ Dung diida Raja Zedekia dohot sude tentarania i sude na masa i, diuji halahi ma maporus paluahon dirina kehe tu Rura Jordan laing di borngin i. Dibolus halahi dalan manyalpui taman ni bagas godang lalu haruar mamolus sian pintu horbangan na padomuhon tembok na dua di inganan i.

JEREMIA 39:4 ပူးပေါင်းရင်းမြစ်များ

2 JUJUR TAON 32:5

Jadi dipatogu raja i ma partahanan ni kota i marhite na padenggankon tembokna, pajongjongkon angka palas-palas dohot na mambangun tembok parruar. Tamba ni i dipadenggan ia dope benteng na dipajongjong di ginjang ni tano timbunan na di sabola Habincaran ni kota na lolot na di Jerusalem. Laing disuru ia dope paulion bahat sajo tombak dohot parince.

JESAYA 22:11

dibaen hamu ma tobat di bagasan kota i jana dipamasuk ma tusi aek na sian tobat na lolot i. Hape nada dirohahon hamu Ia na dung honok mambaen sangkap i sude, jana na mambaen sudena tarjadi.

JESAYA 22:3

Na maporus do sude angka panglimamunu jana hona tangkup dompak so sanga dope ditembakkon halahi hum sada anak ni pana pe. Songon i dohot tentara na jago.

JESAYA 29:2

Angka andung-andung dohot na tangis noma tarbege disi songon langgatan panutungan noma sude kota i.

JEREMIA 32:4

Raja Zedekia pe nada malua, tapi dohot do ia pasahaton tu raja ni Babel. Mangadop ma ia tu raja i jana manghobari sandiri dohot ia.

JEREMIA 32:5

Dung i obanonna ma si Zedekia tu Babel jana maringanan disi lopus Huuhumi ia. Haru pe diporangi ia halak Babel, nada manjadi karejonia i. Au Tuhan, madung mandok songon i.”

JEHESKIEL 12:12

Di borngin marimpot-impot porsanon ni raja ni halahi ma gendonganna di abarana lalu kehe. Pambaenan ni halak ma lubang di tembok anso ulang diidasa dalan na nibolusna.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

HAMALIMON 26:36

Angkon tarbuang do hamu muse tu luat na leban, baenonKu habiaran tu hamu pola tehe hum umbege sora ni bulung-bulung na niombus ni haba-haba pe gabe mabiar hamu. Gabe marlojong ma hamu songon na diayak di parporangan, martinggangan ma hamu di hatiha so adong musu humaliang hamu.

AMOS 2:14

Na hipas marlojong pe nada tarbaen luncat; mago ma hagogoon ni halak na gogo, jana halak na barani pe nada tarbaen paluahon dirina.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.