JEREMIA 39:17 - BIBEL JAMITA NA DENGGAN

¹⁷ Tapi Au Tuhan, ondihononKu do ho. Nada pasahaton ho tu angka jolma na nihabiaran ni rohamu.

JEREMIA 39:17 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

2 SAMUEL 24:14

Dialusi si Daud ma, “Dut sajo do rohangku: Tapi nada giot au hona uhuman ni jolma. Padiar ma songon i hona uhuman ni Tuhan hita sudena, angke laing parholong ni roha godang do Ia.”

1 RAJA-RAJA 18:15

Dialusi si Elia ma, “Mangasahon Tuhan Na Markuaso i na sai huoloi, marjanji ma au ro sandiri mangadop tu raja i sadari on.”

1 RAJA-RAJA 18:16

Jadi kehe ma si Obaja paboahon tu raja i jana si Ahab pe kehe ma mandapotkon si Elia.

2 RAJA-RAJA 6:16

“Ulang pola mabiar ho,” ning si Elisa. “Umbahat dope na manjago hita ulang pado halahi.”

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”

JEREMIA 38:1

Disuru Tuhan ma au palaluhon tona on tu rayat i, “LehenonKu ma kota on tu tentara ni Babel, jana taluhonon ni halahi ma kota on. Sanga ise na tading di kota on, mate ma i di parporangan, baenon ni tangkuraparon dohot baenon ni nyae masa. Tapi sanga ise na ruar pasahatkon dirina tu halak Babel, nada pola bunuonna; malua do hosana.” Dibege si Sefaca anak ni si Matan, si Gedalya anak ni si Pashur, si Jukal anak ni si Selemia, dohot si Pashur anak ni si Malkia do sude na hudokkon i.

JEREMIA 38:9

“Ale Rajanami na marmulia, nada denggan pambaenan ni angka jolma i. Dipamasuk halahi do Panurirang Jeremia tu bagasan sumur; musti gabe mate so mangan ia disi, harana madung abis sipanganon di kota on.”

DANIEL 6:16

Dung i mangulahi ma angka jolma i ro tu raja i jana didok halahi ma, “Ale rajanami, giotna diingot raja i ma nian anggo mangihutkon undang-undang ni Media dohot Persia, anggo parenta na niparuar ni raja nada tola uba-ubaon.”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’